Denne jula har vore veldig fin og roleg. Og om eg ser vekk ifrå at eg har vore sjuk, så har det vore ei av dei finare julehelgene... 
Her i huset har det våre tradisjon med juleverkstad for born på denne tida. Dette året er ikkje som tidlegare år - det er travelt å pendla i helgene. Difor vart det vel ikkje for verkstad å rekna sjølv om me laga noko saman med eit par born..
'Lue med sirkler' frå mønsterheftet til Arne & Carlos, strikka i Freestyle frå Dale garn. Kjekt å kunna bruka opp restar frå 'Space invader'-hua, det raude, men ein treng 2 nøster grått, ikkje 1 nøste som det står i oppskrifta. Trur det gjekk greit sjølv om partinummeret vart forskjellig på det gråe...
Gjærbakst er noko ungane alltid set pris på, spesielt når dei kan nyta baksten varm og rett frå ovnen.
Denne gongen laga eg vaniljefylte horn, skuleboller og sjokoladeknutar.
Desse kakene MÅ i boks innan jul her i huset. Gode, litt seige og med ein krydra karamellsmak, treng eg seia meir?!
Eg har latt meg freista, som så mange andre, til å kjøpa mønsterheftet 'Arne & Carlos' for Dale Garn. 3 nøster 'Freestyle' havna òg i posen, og eg gjekk i gang med strikkinga. Eg har ikkje strikka så mykje mønsterstrikk med fleire fargar før, så eg var spent på resultatet. Ganske nøgd med 'Space invaders'...
Ein kollega spurde meg så fint i går om eg kunne hjelpa henne litt. Sjølvsagt kan eg det, sa eg. Ho har eit prosjekt på gang, nokre stoffhjarter som ho har lyst å pynta med hekla blomer. Etter fleire forsøk ga ho opp heklinga...
Ho hadde garnnøstet med seg på jobb, så då var det berre å setje i gang då eg kom heim. I utgangspunktet trengte ho 2 stk, men når eg fyrst var i gang var det berre å hekle... Det er dei brune ho ville ha no.
Så kan eg nemna i forbifarten at nok ein Ufo har landa... Strømpegarn frå Sandnes Garn og pinner nr 3 er ikkje det eg er mest ivrig med, kan ein seie... Men no er nok ein julegåve sikra..
Min kjære har klaga litt over kjølen no når det haustast. Og det er helst føtene som er kalde... Eg hadde meg ein runde i kassane med garn, og fann noko 'Ragg-strømpegarn' frå Hjerte-garn. Strikkepinnar nr 5, og i ankelhøyde gjekk det med eit nøste pr sokk. Av erfaring veit eg at dette garnet er 'tøyeleg', difor strikka eg fast. Og skulle sokkane mot formodning vere i minste laget, så er det nok fleire småkalde føter som set pris på litt varme...
Sjølv om me ennå er tidleg i november har eg byrja med julebaksten. Det er noko eg har gjort sidan eg fekk ungar, for to av gutane mine er fødde i slutten av november, og eg tykkjer det er greit å ha nokre sorter kaker i boks innan selskapa deira.
Nyleg var eg så heldig å vinna ein give away hjå Doo it - just doo it. Ei flott strikketøyveske full av hjarter, i ein av dei gladaste fargane eg veit om. Det kjem til å vera fint å finna fram denne kvar gong eg skal strikka eller hekla litt når eg er ute på tur..
Ungane her i huset elskar muffins, og eg er ikkje så langt unna sjølv heller.
Skjerf og pannebånd til ei lita jente. Strikka i Alfa, med hekla detaljer i Drops Alpakka. No kan vinteren berre koma...
Den vesle prinsessa på snart 3 skal no få ein søt, varm og god vest til å halda varmen i haust og vinter.
Einerbær, klare til plukking..
Spasertur i haustlege fargar på Bokn,
hand i hand med ein eg er glad i....
Muffinsrøre, klar for steiking...
...for så å nytast..
Etter å ha vore gøymd i ei skuffe i omtrent eit år, var det sanneleg på høg tid å gjera denne brikka ferdig!
Denne somaren vart heilt annleis enn det eg såg føre meg - og då positivt annleis.
Etter mange diskusjonar med meg sjølv har eg kome fram til at det er på tide med ei opprydding i nokre av hobbyane mine. Når ein går på arbeid heile vekene vert det lite tid til overs til alt eg har lyst til..
I fyrste omgang tenkjer eg på å kvitte meg med dei fleste kakeformene mine. Eg får heller velja ut eit par eg trur kjem til å verta brukte i framtida.
kjem sol
Tenk å koma heim etter eit fantastisk døgn på tur, gå bort til postkassen, kikka oppi og sjå at postmannen har kome med pakke...
Av alt eg har laga, trur eg det er denne veska eg er mest nøgd med og har brukt mest. Eg har sydd ho av to bukser eg har fått av ei veninne og ei bukse frå ei tantejente. Knappen ser ut til å vera ein gamal kåpeknapp; eg har fått den av bornas oldemor for mange år sidan...
Kven skulle tru at man, 1.juli, måtte gå over snø for å koma til målet? Biletet er teke på veg til Øyuvsbu, ei turisthytte i Setesdalsheiene.
Biletet talar vel for seg sjølv...?
Brokkestøylen ser ut til å vera ein fast stopp for vår del. Og minstemann stod på krava og ville overnatte i lavvoen i år òg. Me var heldigare med vèret i år, for i fjor regna det 47 mm det døgnet me sov her. Men tregolvet var like hardt å sove på...
Fjellbjørk, like før me kom til Haukeligrend.
Eit imponerande syn. Langefossen er over 600 m frå han stupar over kanten til han renn ut i Åkrafjorden rett bak oss.
No er eg i feriemodus. Eg har berre ein dag att på jobb, så er det ei god veke ferie..
Minstemann og eg skal på same type ferie som i fjor, det ynskjer han.
Ikkje nokre planar om kor, me fèr med vinden..
Det går fortsatt mykje i kaker for tida. Denne langpannekaka hadde eg ikkje laga på over 10 år, og når eg smaka på ho att, kunne eg mest ikkje forstå kvifor...
Oppskrifta til ei stor langpannekake får du her;
Den siste tida har eg ikkje vore så flittig inne i Blogglandia. Eg har kikka litt rundt på andre koselege bloggar, men ikkje kommentert eller laga så mange innlegg sjølv. 
På veg heim frå jobb her om dagen, stod eit skilt langs vegen: 'Loppemarked'.
Sommarstid er tida for eit lite rush med bursdagar.
...ein komande fotballproff fekk sjølvsagt fotballkake...
...og dei fleste gutar likar action, her iform av spiderman..
