Desse 3 eggevarmarane er på langtur. Hadde eg visst for nokre dagar sidan det eg veit no, så hadde dei ikkje trengt å reise mange kilometrane.
Eit venepar av oss, med dotter, flytta i fjor til Tyskland. Trist for oss på mange måtar, men forståeleg då dei er frå Tyskland. Me har halde kontakt pr post og mail, og me hadde planar om å reisa ned til dei no og då. Ikkje gjort i ei handvending, sidan alt skal klaffe med feriar, arbeidstid og slikt. No ‘slepp’ me tenkja på det ; dei flyttar tilbake til Jæren! Hipp-hipp-hurra!!
Vel, eggevarmarane er på veg til Tyskland, og får heller nyta opplevinga. Damehatten til venstre rekna eg med er til mor. Sauen med blome trur eg dottera vil lika, og hua til høgre, den trur eg far vert glad for. Eg lova nemleg å strikka ei hue til han, ikkje sikkert han hugsar det ennå, men no får han iallefall hua, sjølv om det kanhende er i mykje mindre format enn det han såg føre seg ;)
Restegarnet minkar det på, sjølv om det er dryge trådar. Men eg har litt mindre å velja mellom no, så no er det på tide å byrja på litt større prosjekt.
Siri