Eg undrast...

Nyleg hadde eg eit kjekt bytte med Mayen, ho fekk broderipakken eg ville bytte vekk, og eg sa ja takk til ei overrasking. Plutseleg, då eg skulle ta bilete av innhaldet, har noko forsvunne, og eg kan ikkje anna enn å undrast på kor det har teke vegen....

Vel, for å vere ærleg; nokre knallgode drops veit eg kor tok vegen..

Men eg saknar ei pakke med farga telys..

Iallefall, eg er utruleg nøgd med byttet, og broderia har nok kome i rette hender no. Dei flotte stoffbitane skal eg nok finna rette prosjektet til, og heimelaga vaniljesukker er perfekt til ein som elskar å bake!

'Velkommen'-skiltet passar perfekt i min heim.

Eg har allereie tenk tanken på å invitera til nytt bytte. Det er rart kva som kan skjula seg i heimen....

Eg har to 'Fana'-gensere, ein kvit/blå og ein kvit/svart, størrelser i ca 7 og 9 år trur eg.. Bilete vil koma seinare...

Siri

Sokkar og meir til 'gje-vekk'en' min

Sidan sist har eg strikka to par sokkar. Det minste paret er ca str 25, og er strikka av eit nøste frå 'lageret' mitt. Trur det kan vere 'Viking-garn'...

Det andre paret er str 36 og strikka av to nøster 'Robust' frå Sandnes garn.

Det lyseblå paret skal den lille prinsessa få, for ho hadde eit ynskje om blå sokkar, og kven kan motstå ei prinsesses ynskje..??

Så til 'Gje-vekk'en' min. Eg vil trekkja ytterlegare to vinnare.

Ein vil få ei nålepute, hekla av 'Bomull Sport' frå Gjesdal spinneri, pynta med ein knapp frå mine borns oldemor si knappekrukke.

Den 3.vinnaren vil få ein klut, strikka av diverse reste-bomullsgarn.

For å melda seg på 'Gje-vekk'en' min, er det berre å leggja igjen ein kommentar her..

Siri

Gje vekk

For å feire kvardagen, lysere tider eller kva det no måtte vera, så vil eg ha ein aldri så liten 'gje vekk'.

Eg tenkjer at heimelaga klutar kan passa, for lysere tider krev kanskje litt støvtørk og slikt etterkvart... 3 klutar til vinnaren, og kanhende det vert ein trøystepremie også, kven veit..?

Me gjer det slik;

1 lodd for kommentar

og 1 lodd ekstra om du lenkjer til denne 'gje vekk'en'.

Kvelden for trekking av vinnar er måndag 28. februar.

Skriv kor mange lodd du tek.

Lukka til!

Siri

Vil du byte?

Eg er inne i eit slags ryddemodus for tida. I skuffer og skåp har eg mykje som berre vert liggjande, noko som er synd. Det er tross alt flotte hobbysaker. No har eg funne 5 broderi; 2 påskeløpere, 1 julebilete, 1 barnebilete og 1 bilete med fuglar på.

Er det nokon brodèr-glade sjeler her i Blogglandia som har lyst å byte? Kva eg ynskjer å byte i? Tja, eg er ikkje så kravstor, trur eg. Kanskje noko enkelt heimelaga? Det er berre å koma med forslag. Me dekker kvar vår porto for eit eventuelt byte.

Siri

For kalde føter

Eit par sokkar har endeleg forlatt pinnane. Dette garnet fekk eg ein gong i fjor og er eit såkalla 'uven-garn' frå Hobbyboden. Eit nøste, pinnar nr 3 og størrelse 32-33...

Eg er nøgd!

Siri

Rundstykker med vri

Det er ikkje mykje som kan måla seg med dufta av nysteikt gjærbakst. Og om ein fyljer oppskrifta nøye, så vert resultatet stort sett alltid vellukka.
I helga laga eg ein fin rundstykkedeig, av farmor's oppskrift. No har eg gjort ei endring, og byta ut noko av kveitemjølet med grovare mjøl.
Eg kjevla ut som om eg skulle laga kanelrullar, men fyllte istaden med skinke, ost og litt krydder.

Rulla saman og skåret opp i passe bitar.

Berre etterheving som gjenstår her.

Fiks ferdig 'påsmurde' rundstykke, som ungane veerkeleg likte.

Farmor's oppskrift

1 litar mjølk varmast i

150 gr smelta smør

2 pk gjær løyses opp i blandinga

4 ss sukker

1/2 ts salt

1,5 kg kveitemjøl

*** Hevast til dobbel størrelse, bak ut ca 30 rundstykke, etterhev i ca 30 minutt

Steikast på 230 gr til dei er gyldne og fine

*****For den 'grove' varianten min, byta eg ut 400 gr av kveitemjølet med 350 gr sammalt kveite,grov, og 50 gr kruskakli.

*I tillegg brukte eg ca 200 gr skinke og 200 gr ost. Krydre etter smak ~ eg brukte piffikrydder og pizzakrydder.

Velbekomme

Siri

Gåve

Berit T er ei utruleg kreativ dame som nyleg hadde feiring og 'gje-vekk' på bloggen sin. Og kor heldig var vel ikkje eg som vart trekt ut som vinnar av 'ei lita gåve', som ho sa...?

Før helga dukka det opp ein pakke i postkassa mi, pynta på ein nydeleg måte.

Oppi låg det to notisbøker, fleire kort og konvoluttar, og ein nydeleg og lavendelduftande pose.

Tusen, hjarteleg takk!

Siri

Julehelgas syslerier

Denne jula har vore veldig fin og roleg. Og om eg ser vekk ifrå at eg har vore sjuk, så har det vore ei av dei finare julehelgene...

Sidan eg måtte halde meg i ro, vart det god tid til noko enkelt handarbeid; 3 strikka klutar og eit tomt tomatpurèglas som har fått hekla trekk. Ein fin måte å bruka opp bomullsrestar på.

No er det berre å kryssa fingrane for at eventuelle bakterier eller virus tek juleferie...

Siri

Juleverkstad-konfekt

Her i huset har det våre tradisjon med juleverkstad for born på denne tida. Dette året er ikkje som tidlegare år - det er travelt å pendla i helgene. Difor vart det vel ikkje for verkstad å rekna sjølv om me laga noko saman med eit par born..

Men denne konfekten er perfekt for små hender å lage, og har ein tendens til å forsvinna inn i små munnar på eit augneblikk òg..

Oppskrifta er her;

Bland saman

1 dl sukker

1dl kokos

2 dl lettkokte havregryn

2 ss kakao

2ss vaniljesukker

2 ss smør

1 egg

* Trill passande kuler, og rull dei i kokos.

Oppbevar kjøleg

Siri

Planer for helga

Eg har allereie nokre små, kjekke planer for helga som kjem. Vel er det ikkje Luciadagen i helga, men eg har lyst å baka lussekatter, lage varm sjokolade og kosa meg ilag med to kjekke gutar på isen.

Sidan eg ikkje har baka Lussekatter sidan eg gjekk på Speideren for utallige år attende har eg søkt meg litt rundt på nett, og fann denne oppskrifta hjå Tine.

Om veret skulle koma til å slå om innan helga, så kan me kosa oss innandørs også. Trur nok eg skal pakka med meg nokre brettspel i tilfelle. Ja, det blir nok ei koseleg helg på Bokn, tenkjer eg...

Siri