Eller, påskestrikk er rette ordet… Ein rosa kylling, strikka i dobbelt mandaringarn på pinne #3. Eg la opp 30 masker, strikka glattstrikk 6 cm og felte av. Nebb og kam er kun rettstrikk, halefjær blomstervinger er hekla. To perler frå eit gamalt armband er sydd på som auger.
Eg strikka ein til i lilla, men plutseleg forsvann den oppi eit påskeegg før eg fekk knipsa eit bilete av den…
Siri
Vitengarden: Jærmusèet er ein stad me er innom nokre gonger i året. Ungane likar seg veldig godt der, alle 3. Og sjølv om alderen er 5, 13 og 15, finn dei på mykje å gjera saman der.
Her er eit bilete frå ‘byggehjørna’. Material ligg klar, så ungar og vaksne kan lafta eit lite hus saman.
Hjernetrim i form av pusleoppgåver er noko eg er glad i. Desse rosa brikkene ga meg ganske mykje bry, då dei skal puslast saman til å passa i kvadratet som er teikna på bordet. Og tenk – eit heilt bord fylt av oppgåver….!!
Ein traktor står til disposisjon. Her er knappar og brytarer for lys, blinklys og vindusviskarer, og rattet er lett å svinga på. Prinsessa er djupt konsentrert her.
Kafèen er open, og byr på heimebakst, kaffi, te, varm sjokolade, is og frukt. Det går fint å finna roen kvar gong me er på Vitengarden: Jærmusèet.
Det er stadig ting som skjer her, og opplegg og aktivitetar er lett å finne ut av på nettsida deira; Vitengarden:Jærmusèet.
Siri
Nyleg tok eg med meg min kjære og prinsessa til Nærbø, omlag 2 mil herifrå, og fugleparken der. Det var fyrste gong dei var der, og sjølv har eg ikkje vore der sidan minsteguten min var liten.
Fugleparken er ein fredeleg plett, og fuglane går fritt der inne og rotar litt på bakken etter noko å ete. Eg hadde laga til ein brødpose, så mat skulle dei få.
Her er haner, høner, kalkun, påfugl, perlehøns, gjess og ender. Ingen er særleg redde menneske, så dei vandrar lett rundt føtene dine der du går gjennom parken.
Endene kom vaggande etter oss der me gjekk, for dei visste nok at det var noko godt i posen. Prinsessa vart heller litt skeptisk, og skulle nok helst sett at dei var litt meir på avstand. Men tilbake, det ville ho allereie etter me kom heim….
Siri
Då eg for ei tid sidan hekla trekk til lyslykt, tenkte eg at eg kunne laga liknande trekk til små hermetikkboksar òg. Maisboksar er ein passe størrelse å bruka til fleire ting. Her har eg dei i bruk til heklenåler og broderisaks. Trekket er hekla med ‘botn’, og er enkle å ta av om dei eller boksen treng ein vask. Det er ein ull- og bomullsblanding eg har brukt, og heklenål # 3.
Planen er å hekla nokre trekk i glade vårfargar, og bruka boksane til små potteskjularer.
Under ei opprydding fann eg nokre store nøster med oppklypte sengklede. Det er nok 3 år sidan eg gjorde det.
Heklenål #8 passa fint om eg berre hekla litt laust.
Denne matta er 80 cm i diameter, og kjem til å slitast på badet.
Eg hadde nokre små restar att etter å ha hekla baderomsmatta, og dei nytta eg til å hekla 2 bordskånere.
Det er så enkelt å henta inspirasjon frå alle kreative bloggere rundt om i Blogglandia.
Karen Klarbæks Verden har inspirert meg til å hekla armringar. Eg har ‘rundhekla’ desse, i motsetning til Karen’s, men resultatet er nokså likt. Ikkje mykje garn som skal til kvar armring heller.
For tida er det greit å ha små, små prosjekt. Eg ventar på å bli stukket av ‘den kreative bie’….
Eit gamalt noregsglas på 1 liter er raskt gjort om til eit enkelt syskrin.
Ta vekk glaslokket og erstatt med ein tøylapp, litt fyllvatt, lim og papp. Då har du nålepute på toppen og god plass i glaset til dei mest nødvendige ting du treng i eit syskrin.
Ypperleg å ha på hytta eller i campingvogn. Super gåve til den nye hybelboer òg.
Siri
For omlag 3 år sidan klipte eg opp nokre velbrukte t-skjorter, og nøsta dei opp. Eg hugsar å ha strikka eit par gryteklutar av dei, men resten vart liggjande i garnkista mi.
No har eg rydda dei fram i lyset igjen, og funne passande heklenål.
Bordskånere i 2 størrelser er resultatet…
Heklenål #5,5 er brukt, og eg laga òg nokre utan ‘blondekant’. Tjukke og gode bordskånere som tåler bruk og vask.
Siri
