Stolt! ♥

 

Minsteguten min har gjort det igjen ; han har dreidd. Denne gongen vart det ei flott klokke. Som du ser, så er klokka polert og fin, og treet har fint mønster i seg. ♥morshjarta lar seg lett gleda♥

Siri

Tjukke gryteklutar

 

I det forrige Familien var det oppskrift på hekla gryteklutar. Tjukke og gode, og veldig enkle å hekla. Dei to gryteklutane til høgre er hekla i Petunia, og dei andre fire er hekla i Mandarin classic.

Dobbelt garn og heklanål # 6, og vips ~ fleire gryteklutar i gåveskuffa.

Siri

Enkel vest til teddyen

 

Han ser litt meir nøgd ut no, med varm vest på seg. Vesten er strikka i dobbel Sandnes alpakka på pinne # 5,5. Knappane veit eg ikkje om eg vil ha, eller om eg kjem til å bytta dei ; me får sjå….

Denne vil du vel helsa på?

Det er ikkje dei heilt store prosjekta eg hiv meg på for tida. Men til gjengjeld er dei utruleg søte!

Blekkspruten har eg hekla før, og små barnehender lekar stadig vekk med dei.

Lys blå Petunia og heklanål # 3. Maaange fastmasker seinare har eit knapt nøste forvandla seg til denne søte fyren.

Til ei dokke

 

Eit lite teppe på ca 50x50 cm. Hekla av ullteppegarn med heklenål # 3,5.

9 oldemorruter sydd saman, og nokre omgangar rundt det heile. Enkelt, men godt til ei lita babydokke.

Praktiske til mangt

Nok ein idè til resirkulering av t-skjorter. Eg har laga fleire størelsar, og ser nytte av desse spesielt til sommaren. Då er me oftare på tur, både ved strand og vatn, og treng noko å ha badetøy i.

Som eit grønsaknett er det òg bra.

Her finn du sida eg har funne idèen frå ;)

Siri

Når me skal på tur…

…pakkar me niste i denne sjarmerande nistekofferten frå Blafre.

Det er prinsessa som har valgt design, og det er ho som vil bære den på turen.

Her er plass til det me treng på ein mindre nistetur; juice for to, skiver med banan og noen kapteinkjeks med fårepølse. Me kunne ikkje koma fort nok fram, meinte prinsessa…

 

 

 

…og me kunne ikkje koma oss fort nok ut ifrå skogen heller, for her var det småskummelt fekk eg vite.

Kofferten kjem nok til å få høyra mykje…

Enkle dokkevestar

Prinsessa har fleire veninner, og eg tenkjer dei alle har sine små dokker å passe på. Sidan prinsessa sin baby allereie har fått ein slik vest, har eg strikka eit par som er tenkt som vårleg gåve til 2 tvillingveninner. Det er ikkje mykje garn som går med, og mønsteret er superenkelt. Du finn mønsteret hjå ‘frances fra lykkeveien’. Søte knappar er enkel pynt.

Smilande egg og glade jenter

 

Prinsessa og eg vart inviterte til våre tyske vener på påskeeggfarging. Superkoseleg pysleri for små og store jenter. Hardkokte egg og fargestifter.

 

 

 

Små, lubne hender held egget på plass medan det pyntes med nøye utvalgte vannfargar.

 

 

Eit ekte smilande egg !

 

Klukk Klukk

Høner strikka på same måte som i forrige innlegg, berre ikkje fylt og sydd igjen under. Koselege eggevarmere av restegarn.