Gå julebukk..og mer

12. desember er dagen det er tradisjon for å gå julebukk her i bygda. Det har det vært så lenge jeg kan huske.

Det er så fint å minnes tilbake til tiden jeg gikk julebukk selv. Da var det vanlig å bruke nissemaske og kle seg ut. Gjerne putte ei pute frampå magen, og gjøre stemmen litt 'nissete' når man snakket. Sangene vi sang var gjerne 'Et barn er født i Betlehem', 'På loven sitter nissen' eller 'Glade jul'. Siden bygda var så liten da, hadde vi ofte posen full av julekaker, frukt og julegodterier etter å ha sunget for 9-10 hus.

Gode minner er også ment å føres videre til neste generasjon, og i kveld er det Frøken Dings som går julebukk, sammen med noen venninner. Nissemaska brukes ikke av dagens barn lengre, men røde roser i kinna og nisselue må til. Ei korg passer fint til nissejenta, og hun er glad og forventningsfull når hun springer avgårde til venninnene sine.

Julebaksten er også begynt på. Her er det sandnøtter på gang. Dette er en av barndomsfavorittene mine, sammen med kakemenner ♥

Lettvinte mandelstenger, eller brune pinner, måtte gjøres 2 ganger. Jeg var litt ukonsentrert den første gangen og glemte å ha sirup i deigen.

Jeg kommer nok til å dobbeltsjekke dette de neste par ganger jeg baker disse, for uten sirup - ingen seige pinner...

Frøken Dings hadde nettopp bursdagsselskap - jentene skulle på kino og jeg fikk litt tid alene mens filmen gikk.

Å sitte på en restaurant i fred og ro, nyte en deilig kopp cappucino mens jeg ser på menneskene som lever sitt liv utenfor vinduet, er avslappende og godt.

 

Siri

Ein kveld i mai...

...Hadde eg meg ein aldri så liten tur til den gamle jernbanetrasèen mellom Hellvik og Egersund.

Eg gjekk ikkje lange turen, men tankane hadde seg ei undringsferd i tid bakover.

-Å sjå kor mykje tid, arbeid og flid som er lagt ned i ein slik mur. Me finn ikkje murar av denne typen med ny dato...

Ein steingard - ei grense - lagt opp for hand... Spede trestammar gjer sitt innhogg og mjuknar opp.

Ein benk? laga i 1874, fullt brukande i dag, som ein liten rasteplass for ivrige turgåerer.

Ein bjørkestamme; små museøyrer av bjørkeblad omkransar toppen. Fuglar lager dei finaste vårsangar, vinden lagar eit lite sus i naturen og lukt av regnet som nettopp var.

 

Siri

 



Hugsar du....

....Monchhichi....?
Den vesle ape-bamsen med det utruleg søte ansiktet? Den vesle ape-bamsen med tåteflaske i eine handa, som kan puttes i munnen????
Eg fekk ein slik til jul....av min kjære....noko eg har gjeve uttrykk for at eg ønska meg.... ;)

No sit Monchhichi-bamsen min på skrivepulten min, og eg treng berre snu litt på hovudet for å sjå på den. Eg vert barnsleg glad inni meg når eg ser på den. Lett bustete på toppen og med tåteflaska i munnen.

Monchhichi ~ Nostalgi ♥

Siri

Ved Dorgefossen i Sirdal

 

Eg hugsar godt då eg gjekk på barneskulen og var i desse trakter for første gong. Eit overveldande skule for ei lita jente.

Fortsatt må eg stoppa bilen for å gå ut og sjå dette skuet når eg er i Sirdal. No er det laga til slik at ein kan sjå fossen frå fleire vinklar, i motsetning til når eg var jente. Då måtte me stoppa på riksvegen og sjå derifrå. 

Jettegryter og holer laga av vatnets slitasje gjenom lange tider. Det er lettare å sjå dei no enn då eg var liten. Eg får eit sug i magen medan eg ser nedover….

Det er krefter i vatnet!

Det var ikkje så høg vannstand, men eg kan berre innbilla meg kor mektig det er når det verkeleg fossar.

Eit lite blikk på vatnet ovenfor fossen, og litt av naturen rundt.

 

‘Planking’ midt i vegen gjekk godt an denne dagen; lite trafikk og god sikt. Det er slik ungdomen likar.

 

Vaksne kan heller meditera litt på rasteplassen….

 

Skulle du vera i nærleiken av Sirdal og Dorgefossen, synes eg du gjerne kan kosta på deg ein stopp her.

Siri

Barnsleg glede

 

Eg har fått litt dilla på Hama-perler. Mimring på gang samstundes. Eg trur det er mange av min generasjon som hugsar Pac-Man. Og yngre generasjon har fått kjennskap til ein meir moderne versjon. Til venstre ser du gutane mine sine favorittar; Minecraft…..

Barneutgåve av Donald og Dolly, og muffins til eit heilt lite selskap. Fuglane må ikkje gløymast. Alle desse perlefigurane har fått pålimt ein magnet, så kan dei gjere litt nytte for seg. Kjekke små gåver.

Siri

Kveldskos saman med prinsessa

 

I går kveld fekk eg nok ei ekstra stjerne i boka hjå prinsessa. Kveldsmaten fekk form av stjerne og kone. Eit lite sugerøyr i mjølka gjorde smaken betre.

Etterpå sat me saman i sofaen og las rim, regler og rare sangar frå ei bok som eg brukte mykje som barn ; ‘Barnet i liv og lek’, av Thor G. Norås frå 1976.

 

Tippe høne satt på gjerdet,

Tippehøne datt ned.

Ingen doktor kunne hjelpa,

Tippehøne var død.

~~*~~

Når du blir gammel

og ingen vil ha deg

så sett deg på taket

og la kråka ta deg.

~~*~~

En nisse

måtte tisse

Han gikk bak et gjerde,

der fant han en pære,

pæra delte han i tre :

en – to – tre.

~~*~~

Siri

♥ Tjorven ♥

No har eg kjøpt meg den dokka eg hadde såååå lyst på då eg var liten. Tjorven-dokka, så blid og glad. Det er godt eg har ei prinsesse i huset, slik at eg har unnskyldningar for mine barnslege impulsar ;)

Siri

Matlære anno 1956

Allminnelege reglar for mat- og kjøkkenstell.

1.	Legg plan for dagens arbeid.
2.	Ta på reint forkle, dekk håret godt, børst og vask hender og negler før matstellet byrjar.
3.	Hald kjøkkenet og kjøkkentøyet reint og i orden.
4.	Puss ikkje skotøy, børst ikkje klede, og utfør i det heile tatt ikkje arbeider som det støver av, i kjøkkenet.
5.	Fei ikkje kjøkkengolvet, men vask det dagleg.
6.	Tørk ikkje støv i kjøkkenet med tørr, men med fuktig klut.
7.	Sørg for frisk luft i kjøkkenet.
8.	Ha tilstrekkjeleg og praktisk kjøkkentøy.
9.	La alt kjøkkentøy ha sin bestemte plass.
10.	Ha matvarer og redskap i orden før matstellet byrjar.
11.	Mål og vei nøyaktig, for at maten kan verta vellykka.
12.	Ta ikkje salt, sukker, mjøl og andre tørre matvarer med handa når du kan unngå det.
13.	La ikkje skei, sleiv eller visp stå i maten medan den kokar.
14.	La ikkje auser av metall stå i mjølk.
15.	Bruk særskild skei og skål når du skal smake på maten.
16.	Stell maten for andre så pent som du vil at andre skal gjera det for deg.

Desse reglane fann eg i ei kokebok for barne- og framhaldskulen, som eg kjøpte på Fretex i dag. Morosam lesing, samstundes som det er godt å tenkja på kor mykje lettare matlaginga er for oss no…

Siri

Barndomens bursdagskake

Er det berre meg, eller har du også eit og anna hyggeleg bursdagsminne med denne kaka på bordet ; Skumkake.
Eg hugsar den stod på bordet og freista i kvart selskap hjå besteveninna mi og broren hennes. Då var fargen som regel rosa, og med eit godt sjokoladetrekk oppå.
Eg har funne fram grønfarge og sjokoladesaus, og gleda gutane i huset, og ikkje minst min kjære, med denne kaka.
Skulle det vere interresse for det, så kan eg leggja ut oppskrifta òg.

Siri

Fotland mølle

Strikkekafè

 Ein kveld i månaden er det koseleg strikkekafè hjå Krims & Krans. 
Dette er min favorittbutikk!
Kaffikoppane står klar på bordet når me kjem, og det er berre å finna seg ein god plass i nostalgiske omgjevingar.

Hylle på hylle med garn - me treng ikkje vera redde for å gå lens iløpet av kvelden.

Knappar i alle variantar. Tenk å kunne hatt ein slik samling....

Meir garn i hyller og korger. Og fleire modellar heng så fint til utstilling og inspirasjon for einkvar som kjem innom.

I dette hjørnet fann eg kveldens handarbeid ; Mitu vart med meg heim, saman med eit hefte opsskrifter med blandt anna flasketrekk i.

Allereie no gler eg meg til neste strikkekveld, som er 31. mai.

Siri

Erterposar

 Det er nok mange som hugsar erterposane frå turn og gymnastikktiane på skulen...
Prinsessa fekk leika seg med erterposar ved ei turntilstelning nyleg. Ho koste seg med å kasta dei oppi bøtter. Eg var ikkje sein med og lova å sy erterposar til henne so ho kan leike med heime...
Det måtte blåsast støv av symaskinen, og leitast etter egna stoff.

Gardiner frå tidleg 90-talet får gjera nytta. Eg skar dei i frikantar på 15x15 cm, sydde rundt kantane og lot det væra ein liten åpning til å vrenga dei. Fylte med litt erter og sydde åpninga saman for hand...

Desse skal eg ha med meg i sekken neste gong eg skal hente prinsessa med toget i Oslo. Det er nok fleire barn i familievogna som vil leika seg saman med erterposar då...

Siri

Peppermyntekonfekt

I morgon, 12.desember, er dagen då ungane her i bygda går julebukk, no som så lengje eg kan hugse. Sjølv vaks eg opp eit stykkje frå bygda, med 9 hus samla i nærleiken. Mørkt var det, ingen gatelys og skog tett inntil vegen. Men var det noko eg gleda meg til, så var det å gå julebukk! Me fekk korga full av godsaker, og eg hugsar spesielt ein gong då eg vart bedt inn for å smaka på nylaga peppermyntekonfekt....

*Peppermyntekonfekt*

250 gr melis

1 eggekvite

1 ts vatn

2 dråpar peppermynte

~rør saman. Kanhende du må bruka meir melis for å kunna trilla ut kuler.

Smelt 2 plater kokesjokolade saman med ein klatt kokosfett.

Dypp kulene i sjokoladen og rull dei i kokos.

Siri

Jødekaker

Jødekaker er nok dei kakene eg hugsar aller best frå barndomen. Farmor hadde alltid nokre store syltetøyspann fulle av gode småkaker, året igjenom.

Opprinneleg var dei runde, med litt perlesukker-strø på toppen. Men dei er supergode som hjarter utan sukker òg...

Beste resultat får du om du har tilgang på råmjølk, men det går fint å bake utan også.

*Jødekaker*

1/2 l råmjølk (eller 1/2 l mjølk+2 egg)

1 kg kveitemjøl

1/2 kg sukker

250 gr smelta smør

6-8 ts hornsalt

Steikes ved 210 grader i ca 10 minut.

Prøv å kjevle deigen tynt; då får du dei beste kakene..

Og ~ sjølv om dei er haldbare, kan dei vera kjekke å ha i frysen.

Siri

Nostalgisk langpannekake

Eg vart tidleg husmor; berre 17 år. Og som god husmor skal man kunne litt kjøkkenkunster. Her er oppskrifta på den fyrste kaka eg baka, heilt på eigen hand. Oppskrifta fekk eg av mor til besteveninna mi - og,du å du, ho kan sine bakekunster!

Oppskrifta var så god at det var denne eg brukte i mange år, til alle anledningar.
Liten Langpannekake

2 egg
3 dl sukker
ca 4,5 dl kveitemjøl
2 1/2 ts bakepulver
2 ts vaniljesukker
1 ss kakao
1 1/2 dl mjølk
150 g smelta smør, avkjøles saman med mjølka

Pisk egg og sukker godt.
Bland alt det tørre.

Rør det tørre og mjølkeblandinga annankvar gong saman med eggeblanding.

Steikes ved 220 grader i 20 minutt, i liten langpanne.

Glasur

3 1/2 dl melis
4 ss smelta smør
4 ss sterk kaffi
1 ss kakao
2 ts vaniljesukker

Pynt

kokos

Nytes saman med dei du er glad i.

Siri

Til samlinga mi

Då eg tidleg i år kjøpte Familien vart eg gledeleg overraska då eg såg oppskrifta på desse hekla gryteklutane. Slike som farmor hadde hengjande til pynt på kjøkenet sitt, og perfekte til mi veksande samling med hekla gryteklutar... Det kjem nok til å verta fleire par av desse, og dei er jo supre vertinnegåver! Siri

70-tals mammaklede

Er det nokon som gjenkjenner slike mammaklede? Eg har nemleg vore på loftet hjå mor og funne nokre gamle skattar. Ho brukte desse då ho venta minstebror min i 1978.

Det brune forklede har ei bukse til, heilt ensfarga og med isydd ribb ved magen.

Etter å ha tenkt litt på kva eg skal bruka det til, har eg ennå ikkje heilt enig med meg sjølv.

Det kan jo vere nokon som kan ha lyst på slike...

Så eg er open for ein aldri så liten Change Away om nokon melder sin interesse.. :o)

Siri

Julebrød

I dag såg eg gjennom nokre oppskrifter, og fann fram den gamle, handskrevne oppskriftsboka til farmor mi. Eg hugsar godt alt det gode ho baka. Ho brukte gamle syltetøyspann til kakeboksar, og det var fritt fram til å velje kvifor ein eg ville ha kake frå.
Eg har lyst å dela med meg oppskrifta hennar på Julebrød, som eg skal baka sjølv no i desember. Og her er oppskrifta, akkurat slik farmor skreiv ho:

Jule-brød
180 gr sukker smeltes i 3,5 dl melk+1,5 pk gjær.
200 gr smør smuldres i 3/4 kg mel.
1 pk kardemomme, 250 gr rosiner, 1 pk sukat.
*Arbeides godt, heves som vanleg gjærdeig.

Det er som eg allereie kjenner dufta av nybakt julebrød....

Siri

Kan eg få vera med deg heim?

Då eg gjorde meg ei lite ærend innom 'Gjenbruk', ein gjenbruksbutikk som Misjonssentralen driv, sat denne karen på eit bord og venta på meg. Han spurde høfleg: -Kan eg få vera med deg heim? Eg tok han under armane og lyfta han opp. - Klart du kan, svara eg. No sit han i stova mi og ventar tålmodig på at eg skal laga han nokre nye klede.

Han er ganske stor, ca 45 cm høg, og det verkar som han ikkje har vore i bruk, berre til pynt. Og han er maken dei to bamsane som var å finna heime hjå oss då eg var liten. Men jentene hadde dokker, og gutane hadde bamsar. Eg har alltid likt denne typen bamsar, og eg er utruleg glad for at denne fann meg. Men kva heiter han?

Siri