torsdag 31. desember 2009

Vakkert vinterland

Uansett kor kaldt det måtte vera


så er eg ikkje i tvil


om at vinter og snø er vakkert!
Takk for det gamle og godt nyttår!
Siri


tirsdag 29. desember 2009

Nyttårskake

No nærmar me oss nyttår med stormskritt, og eg er nok ikkje åleine om å tenkje på kva som kan passe å servera til dessert?
Denne kaka er for meir å rekne som dessert enn som kake. Ho er frisk på smak, og ungane elskar ho! Og det går an å variera smak etter ynskje..
Eg brukar Cacas sine figurformer.

Yoghurtkake

2 pk bringebærgelè kokes etter anvisning på pakken, men eg brukar ca 1 dl mindre vatn. Hell gelèen i forma og la stivne.

2 x 1/3 l fløte piskes med
1 dl sukker
2 stk melonyoghurt has oppi
7 plater gelatin legges i kaldt vatn i ca 5 min
Løys gelatinen opp i 1,5 dl varm lake frå ferskenboks
Bland fløte, yoghurt og gelatin saman med mikser, hell dette over gelèen og la det stå minst 2 timar i kjøleskåpet.
Løysne kaka frå kantane med ein kniv, dypp forma nokre sekund i varmt vatn og hvelv kaka over på fat. Pynt om ynskjeleg.

For andre smakar, varièr med gelè- og yoghurtsmak.

Siri

lørdag 26. desember 2009

Fredeleg jul


Dette trur eg har vore den fredelegaste jul eg har feira på mange år. God mat og lite stress.
Pinnekjøt må vera den enklaste julemiddag ein kan laga. Riskrem med mandel til dessert.
Gåvene vart opna ein og ein, så me hadde god tid til å fylja med kva kvar enkelt fekk.
Eg fekk det eg hadde øverst på ynskjelista; medlemsskap i Den norske turistforening. Det er ei gåve både kropp og sinn vil ha glede av heile året.
1.juledag vart feira saman med heile familien heime hjå mor og far. Me er 17 stk, og det er ikkje ofte me er samla alle saman.
I dag er gutane og eg åleine, og eg skal servere restar frå julemiddagen. Til kvelden finn eg nok fram litt handarbeid, set meg framfor fjernsynet og nyt freden. Alt i alt, dette har vore den beste jula eg kunne ynskje meg..
Siri

onsdag 23. desember 2009

Lille julaften

Så er det kvelden før kvelden. Eg er ferdig på jobb, har handla det eg treng til julehelga og litt til, og lagt pinnekjøtet i vatn. Ein lett julevask tek eg i morgon føremiddag. Om det skulle vera litt støv i eit par krokar, så er det nok ingen som vil leggja merke til det på sjølvaste julekvelden.
I kveld har eg laga brende mandler for fyrste gong. Dei vart knallgode, men det tok lengre tid å laga dei enn eg hadde trudd.
No skal eg kosa meg med ein god kopp kaffi og sjå på fjernsyn halve kvelden, gjerne med noko handarbeid mellom hendene.
Til slutt ynskjer eg deg ei fin og fredeleg jul saman med nokon du er glad i.

Siri

tirsdag 15. desember 2009

Luksus-dilemma

Den mellomste guten min spurde meg i kveld kva eg ynskjer meg til jul. Eg har ikkje tenkt så langt ennå, for mine tankar har vore å verta ferdig med julegåvene eg skulle ordne. Så no har eg eit aldri så lite dilemma...
Ting eg kan skriva på ynskjelista mi:
-lys?
-serviettar?
-garn?
Dette var vanskeleg, så eg skulle ynskje eg hadde ei fiks ferdig liste å henta fram..
Siri

søndag 13. desember 2009

Peperkakebakedag

Ein koseleg dag saman med minstemann, mi besteveninne
og hennar to jenter.
Me måtte hjelpa dei små å baka ut deigen,

men resten klarte dei utmerka sjølv.



Klar for steiking.



Og resultatet; Fantastisk gode peperkaker!


Siri






mandag 7. desember 2009

Førjulsgåve

Mor til mi barndomsveninne lurte på om eg kunne gjera bruk av desse heklerutene. Eg tenkte kor heldig eg er som vert tilbudt slik ei gåve, og no like før jul..
Her er 75 ruter i ulik farge, og kvar rute målar ca 7x7cm. Fyrst tenkte eg at eg ville montera dei til eit lite 'stolteppe', men no er eg ikkje sikker lengre. Eg veit det finnes mange moglegheter med slikt handarbeid, og vil difor gje det litt tid. Kanskje det er nokon som kan gje meg idèar på noko?

Siri


søndag 6. desember 2009

Juleby-kjøp

Russisk juletrekule
som kan åpnast, og har ei lita dukke inni.


Babushka-nisse

med engel og juletre inni.
Desse er laga i Kvite-Russland, og inntekta går til eit nonnekloster.



Og husets kjære Vira Kotcha fekk ei katteleke, med kattemynte i.
Siri


onsdag 2. desember 2009

Julebrød



I dag såg eg gjennom nokre oppskrifter, og fann fram den gamle, handskrevne oppskriftsboka til farmor mi. Eg hugsar godt alt det gode ho baka. Ho brukte gamle syltetøyspann til kakeboksar, og det var fritt fram til å velje kvifor ein eg ville ha kake frå.
Eg har lyst å dela med meg oppskrifta hennar på Julebrød, som eg skal baka sjølv no i desember. Og her er oppskrifta, akkurat slik farmor skreiv ho:

Jule-brød
180 gr sukker smeltes i 3,5 dl melk+1,5 pk gjær.
200 gr smør smuldres i 3/4 kg mel.
1 pk kardemomme, 250 gr rosiner, 1 pk sukat.
*Arbeides godt, heves som vanleg gjærdeig.

Det er som eg allereie kjenner dufta av nybakt julebrød....

Siri

tirsdag 1. desember 2009

Min kalender


JUL
Lukt og lyder blandes sammen
etter oppskrift fra min mor.
Denne arven skaper rammen
i det huset hvor vi bor.
Alt det kjente vil jeg hente
frem til jul fra år til år.
Jobb og hverdag må nok vente
til vi nok av julen får.

hentet fra boken 'Skriv et hyggelig kort' av Liv Schackt Aure
Siri

mandag 30. november 2009

Siste dag i november

Siste dag i november er komen. Nissen ligg lett henslengd i sofaen og kviler seg før den store innspurten byrjar. Han er strikka for fleire år sidan og er omtrent 70 cm lang. God og mjuk, og han er berre glad om me kvilar hovudet i fanget hans.

Nelliknissane sit i flokk i sleden. Eg laga dei for 5-6 år sidan, men dei dufter ennå godt av nellik. Sleden er laga på Åna fengsel, og smånissane sit trygt oppi den.


Anne-Liane og bamsen har funne seg godt til rette framfor spegelen. No har ho fått veske med godlukt i òg. Det er berre bamse som manglar noko nå; Ein strikkevest står på lista kva-eg-skal-byrja-på-snarast...

Ynskjer deg ein fin desember!


Siri



lørdag 28. november 2009

Små forberedelser

No er endeleg adventshelga komen, og det er tid for å gjere dei fyrste forberedelser til jula. På den lokale julemessa som var her nyleg, kjøpte eg meg ein quilta juleløper. Her ser du applikasjonane i midten, englar med skjerf og nissehuer. Eit nydeleg handarbeid som passar meg midt i blinken.

Det er heller ikkje mange dagane til eg skal ha juleverkstad her i huset, med fleire ungar i alderen 5-10 år. Og medan eg fann fram noko julepynt, dukka desse hjartene opp. Dei laga minste guten i huset og eg i fjor, og eg trur det kan vera noko å laga saman med alle dei andre på juleverkstaden i år.
Finn fram peperkakeformer, legg dei på ein tallerken med litt vatn i, dryss glitter i formene og drypp stearinlys i. Til oppheng har me hatt perler på tynn ståltråd, men det går fin å berre ha vanleg tråd òg. Eg har hengt dei i kjøkkenvindauget, og dei glitrar vakkert i lyset.



For to-tre år sidan overraska mor meg med ein pakkekalender. Ho hadde pakka inn både nytt og gamalt, og eg kosa meg ein heil haug med den.
Dette året tenkte eg å overraska mor med pakkekalender, og no er han ferdig og levert. Det gleda meg at kalenderen vart motteken med stor takk.
Siri



torsdag 26. november 2009

Med finkjolen på

Det går mot advent og jul, og tida er inne for å finna finstasen fram. Tøydokka, Anne-Liane , hadde ikkje anna enn ein topp og ei blondetruse, og kviskra så fint i øyra mitt om ho kunne få kjole til jul. Eg fann fram noko garn , sock 4 frå Hjerte, mønster frå boka 'Brukt på nytt, og sette igang. Det gjekk berre eit par kvelder, så var kjolen ferdig. Anne-Liane vart kjempeglad. No er ho klar for advent og jul. Og når ho ikkje sit modell for fotografen, har ho funne sin plass i armkroken til bamsen.
Siri

mandag 23. november 2009

Ein hyggeleg helsing

I dag fekk eg ei hyggeleg helsing i kommentarfeltet på forrige innlegg. Eg kunne gå til mormors verden og henta ein award. Ho har ein koseleg blogg, og eg hugsar godt innlegget hennar om pakken frå Hobbybodens 'hemmeleg uven'. Då sat eg her og smålo for meg sjølv medan eg ennå venta i skrekkblanda fryd på at min skulle koma med posten...
Tusen hjarteleg takk!
Ved å motta denne awarden, er eg forplikta til å gje den vidare til FEM andre nyoppdaga blogger. Og sida eg ikkje har vore i bloggverden så lengje, reknar eg alle blogger for nyoppdaga.
Her er dei fem eg gjerne vil gje awarden vidare til:
Eg vil samstundes nemna at eg har fått ei utfordring frå Brit's små puslerier, men eg treng litt tid på den :)
Siri

lørdag 21. november 2009

Av utbrukte t-skjorter

I sommer hadde eg ei opprydding i klesskåpet mitt, og sorterte vekk alle dei utbrukte t-skjortene mine. Og etter å ha lese boka 'Brukt på nytt' av Kathrine Gregersen, sette eg igang med å klyppa dei opp i remser og nøsta dei opp. Nyleg fann eg fram nøstene og strikkepinnar, og eg er godt nøgd med resultatet. Gryteklutane er tjukke og gode i hendene, og eg har allereie byrja på fleire i andre fargar. Det gjer ein god følelse å ikkje måtte kaste kledene..
Siri

fredag 20. november 2009

Kan eg få vera med deg heim?

Då eg gjorde meg ei lite ærend innom 'Gjenbruk', ein gjenbruksbutikk som Misjonssentralen driv, sat denne karen på eit bord og venta på meg. Han spurde høfleg: -Kan eg få vera med deg heim? Eg tok han under armane og lyfta han opp. - Klart du kan, svara eg. No sit han i stova mi og ventar tålmodig på at eg skal laga han nokre nye klede.
Han er ganske stor, ca 45 cm høg, og det verkar som han ikkje har vore i bruk, berre til pynt. Og han er maken dei to bamsane som var å finna heime hjå oss då eg var liten. Men jentene hadde dokker, og gutane hadde bamsar. Eg har alltid likt denne typen bamsar, og eg er utruleg glad for at denne fann meg. Men kva heiter han?
Siri

torsdag 19. november 2009

Eg fann, eg fann..

Kva fann du no?
Nyleg tok eg meg ein svipptur innom Fretex, då det var ei lita stund sida sist. Og heldig som eg var, hadde det kome 'nye' varer den dagen, så det var berre å leita, eller som Fretex sjølv seier det; Du leitar ikkje, du finn.
Fyrste funn var eit par gryteklutar, heilt ubrukte og i nokre skikkeleg glad-fargar. Dei minnar meg om slike farmor mi hekla. Og 25 kroner for handarbeidet var ikkje mykje. Eg trur det kjem til å verta dei nye påske-klutane mine...

Fretex har byrja finna fram jule-varene sine, og eg vart såå glad for å finna desse juletrekulene. Det var slike me hadde hengjande på juletreet heime då eg var liten. Dei skin vakkert i lysa, og me kjem nok til å ha stor gleda av dei mange juler som kjem.
I ein stor koffert på golvet låg fleire posar med mykje småting i. Eg plukka med meg ein, for 15 kroner, utan å sjekke innhaldet noko særleg. Her er noko av det, og det vesle 'egget' til høgre må vera den minste julekrybba eg nokon gong har sett. Det er ca 3 cm høgt, og skåret ut av stein.


Her har kan du sjå det litt betre...



Siri

lørdag 14. november 2009

I det siste

Dei siste to vekene har vore travle. Ei venninne og eg har forberedt til julemessa denne helga. Men før me byrja, tok me oss tid til å vandra opp i heia her, til denne hytta, kor me kosa oss med medbragt lunsj. Det er mest ingenting som smakar så godt som turmat saman med gode vener.
Ellers har eg bakt. Det går i julekaker no. Advent er like rundt hjørnet, og det skal byrja lukta julebakst og fyr i ovnen. Tenna stearinlys om kvelden, og verkeleg setja pris på denne tida, helst saman med nokon.

Her har eg bakt 'Sandnøter'. Oppskrifta er som føljende:

  • 250 gr smør
  • 150 gr sukker
  • 1 ts vaniljesukker
  • 1 egg
  • 200 gr kveitemjøl
  • 300 gr potetmjøl
  • 2 ts bakepulver
  • Kna saman, trill kuler som klemmes med gaffel, og steikes ved 180-200 grader i 10 minutt



Siri

mandag 2. november 2009

Til kalde dagar

Forutan sokkar og kjøkkenklutar trur eg det må vera oppskrifta på denne hua eg har brukt mest. Eg trur eg har strikka omtrent 6-8 stk av den. Garnet eg brukar er Alfa, som eg tykkjer er godt å strikka med, og oppskrifta fann eg i eit Allers i fjor vinter. Og eg har garn liggjandes, så det vert nok fleire av desse denne vinteren òg.
Men no vert det ein liten pause i handarbeid i 2 vekers tid. No er det berre forberedningar til julemesse som gjeld ;)
Siri

lørdag 31. oktober 2009

Halloweenfest


Halloweenfest er ein sjølvsagt ting her i huset. Me har halde ein liten fest for små og store vener i fleire år no, og er noko me ser fram til kvar gong. Ein liten utfordring er maten, for dei små forventar mat dei kan smågrøssa av. Dette året valgte me 'heksegraut'; vanleg risengraut tilsatt litt grøn konditorfarge etter koking. Sukker/kanel-blanding vart til magisk pulver.

Og alle munner set pris på dessert. Bordet vart dekka med sjokolade i mange variantar, chips og 'gresskarkaker'. Det er kakemanndeig som eg farga med litt oransje konditorfarge og stakk ut med gresskarform. Etter steiking brukte me tusjer med konditorfarge til å teikna detaljane. Cacas har mykje nyttig til kakebaking :)


Me har pynta litt her og der òg. Denne heksa er favoritt, søt som ho er.




Borddekorasjonen var enkel; eit lite sinkfat, visna blader, rognebær og pyntegresskar.




I utgangspunktet hadde eg tenkt å bruka min finaste linduk på bordet, men då eg fekk tenkt meg om,fann eg fram ein rull med kvit papirduk. Eg hadde verkeleg ikkje lyst til å få grøne flekker på finduken min. Bordkorta har eg klypt ut av kartong, limt på halloweenklistremerker og skrevet namna med sprittusj. Nokre dekorerte eg med oransje silkeband i tillegg.

No var det berre å setja seg, og forsyna seg med god, småekkel mat ;) så kan eg ikkje anna enn håpa på at alle har kost seg i kveld. Eg gjorde det iallefall!


Oppskrift på kakemenn:
300 g kveitemjøl
250 g sukker
1,5 ts hornsalt
30 g margarin
1,5 dl vatn
+mjøl til passe deig
Steikes ved 180-200 grader i ca 10 minutt
*for å farge deigen, kan du blanda ca ei halv ts farge, frå Cacas, i deigen.
Siri

torsdag 29. oktober 2009

Trøste-shopping


I går var eg og vaksinerte meg. Planen var å ta vaksinen mot svineinfluensa, men legen spurte om eg ville ta vaksinen mot 'vanleg' influensa òg samtideg for same pris. Eg trur eg kan påstå at eg ikkje har hatt influensa på 12 år, men tenkte som Ole Brumm; Ja takk, begge deler...
I dag kom bivirkninga - på den vanlege vaksinen... Litt 'småflunsete' og trøtt. Så eg syntes så synd om meg sjølv at eg køyrde direkte til 'Krims og krans' etter jobb, og kjøpte meg litt trøst. Mest sokkegarn, men eg kunne ikkje motstå ein fin, liten pose med garn oppi og mønster til selbuvotter hengjande på utsida. No skal eg snart byrja og strikka mine første votter :)
Siri

onsdag 28. oktober 2009

Tidleg opp...


Etter klokka vart stild ein time tilbake, har
eg vakna litt før eg har tenkt... Eg reknar med
det ikkje varer lenge innan kroppen forstår
at det er vintertid. Fram til den tid får eg
bruka morgontida til noko fint. Akkurat no
sit eg med ein god kopp kaffi etter å ha ete
frukost, og tenkjer på kva som skal skje på
laurdag.
31. oktober er det Halloween, og i fleire år
har eg laga ein liten fest ilag med gutane.
I år vert me 12 stk tilsaman. Og det store
spørsmålet er 'kva skal me servera?'
Me har tidlegare laga;

*pølsefingrar med blodsaus og

sprøsteikte negler

*flaggarmusburgar

*blodpudding (raud gele)

*blodvatn (raud saft)

Eg trur me lagar 'heksegraut' i år....
Risengraut med grøn konditorfarge i.
Me gleder oss :)


Siri

søndag 25. oktober 2009

Ei god helg!

Minstemann og eg har nettopp kome heim frå ei
herleg helg i Oslo. Me ankom byen fredag morgon,
og skulle vandra litt rundt på eigenhand i nokre timar.
Sjølvsagt fann me vegen til diverse kjende attraksjonar,
men å finna vegen tilbake gjekk så som så....
- me gjekk og gjekk....og gjekk... og fekk sjå meir
av byen enn me planla på førehand :)
Eg fekk tid til strikking òg, mellom shopping, meir
eller mindre planlagd sightseeing, Teknisk Museum,
filmsjåing og god mat på byen og hjå vertinna.

Heimtur med tog kan verta i drygaste laget for ein
10-åring, men heldigvis hadde me shoppa litt til
guten òg...

Sist, men ikkje minst - ein pakke frå hemmeleg ven
venta på meg då eg kom heim...Rosa ullgarn - trur
det vert eit par pulsvarmere - rosa serviettar og
fine, rosa telys som verkeleg vil gleda no i mørke
haustkveldar... Tusen, hjarteleg takk! :)
Siri