lørdag 31. august 2013

Litt resirkulert

 

P8252249P8252253

Det var desse snurreskjørta då…. Så lette og morosame å laga at her er eit par utgåver til. På desse er det berre ribben på toppen som er ny. Nederdelen er gamalt sengetøy og gamal blonde. Det kvite skjørtet er pynta med ei sløyfe frå utslitte klede. Til og med tråden er restar frå eldre prosjekt ☺

Siri

torsdag 29. august 2013

Snurreskjørt til Prinsessa

 

P8242247

Prinsessa har fått nytt skjørt – eit skjørt som har fin snurr.

Enkel oppskrift som er blitt brukt fleire gonger allerede. Det er prinsessa sjølv som har valgt stoff og fargar ~ yndlingsfargen er gult.

Venindene hennes trudde ikkje på at det var EG som hadde sydd det, noko eg vel å tolka som eit kompliment.

Siri

P8242248

onsdag 28. august 2013

Det ferdige teppet

 

P8012240

Då er hekleteppet ferdig, og allerede i bruk. Det enda opp med å verta 125x125 cm, og er passe stort for ei jente på 2 og eit halvt år.

Eg ser det ligg klart under vogna om det skulle verta litt kjøleg, og er med i bilen då dei er på tur.

Glade fargar til ei snill og glad jente.

Siri

tirsdag 27. august 2013

Dette vil eg gjere meir ♥

 

P8242245

 

Eg har ikkje vore så altfor ivrig på bloggefronten dei siste par månadane. Det er ikkje det same som at eg ikkje er utan noko å gjere; tvert imot…

Endeleg har eg teke mot til meg og handla inn mønster og stoff, for å prøve meg på syfronten. Det er prinsessa som er prøvekaninen, og ho står meir enn gjerne modell for meg med det ferdige resultat ~ Ballongbukse.

Den er sydd av stretch-velour, og får passe god tyngde nede i beina. Prinsessa lo og kosa seg då ho fekk buksa på, sa den er god og varm, og dansa lykkeleg avgårde på skulen i dag, med ny ballongbukse på seg. Namnet på buksa var nok mest like stas som buksa i seg sjølv.

Eg har meir stoff liggjande, klar for ei ny ballongbukse; denne gong i bomullsstoff. Eg er glad for at ei god veninde lokka meg til å ta turen innom Stoff & Stil i Stavanger ♥

Siri

torsdag 8. august 2013

Kjekt handarbeide

 

P7202260P7202261

Eg kjøpte 2 nøster tjukt bomullsgarn, og nytta kvar cm tråd til klutar, ‘bomullspads’ og ein hekla blome til å samla kvart sett.

Klutane strikkar eg enkelt ~ legg opp 39 masker, strikk rett vrang ut pinnen, og rett pinnen tilbake. Ein hekla kant gjer kluten litt fasong til slutt.

Bomullspad ~ legg opp 12-15 masker, kjem an på tjukkelsen på garnet, og rillestrikk til ca 7 riller.

Bonusen må vere bruk,vask,bruk av pads, i tillegg til at det er mjuke og gode klutar.

Siri

søndag 4. august 2013

Te og nydelegaste smakebit

P7192255

 

Ein tur til Stavanger er for meg èins med ein tur innom den gladaste gata eg veit om. Husa er i friske pastellfargar, og menneska er glade. Nyleg har det opna eit te- og kaffihus, som serverer den beste teen eg har smakt. Det er ein fryd berre det å få teen servert på denne måten…

Her blodappelsin-te og ein dessert av kvit sjokolade og bær.

søndag 21. juli 2013

Vimplar i vinden

P6162187

Petunia er eit garn eg brukar ofte, og dermed vert det ein del restar av dette garnet. Her har eg brukt opp nokre fargar på ei lita vimpelrekkje. 3-kanta oldemorsruter hekla saman til slutt. Denne rekkja heng òg i hagen vår, saman med ein lappeengel, på ein kirsebærtrestamme ♥

P6162188P6162189

fredag 19. juli 2013

Her er Blekkis

P5282176

Denne vesle kjekkasen er fargerik og glad. Prinsessa har kalla han Blekkis, og er allereie ein god sengekamerat for henne.

Restegarn er ein kjekk ting, og det er ikkje mykje som skal til for å få eit litt festleg resultat.

Eg har lagt inn noko lavendel i fyllet, noko eg ein gong las skal ha ein roande effekt på store og små.

‘Armane’ har eg hekla litt kortere; i staden for å bruka 60 lm, så har eg brukt 50 lm.

Familien Blekksprut kan nok venta seg famileforøkelse om ikkje så lenge ~ dei er berre uimotståelege…

Siri

torsdag 18. juli 2013

Eg jobbar i hagen..

P6272192P6272193

…og ikkje vert eg skitten på hendene heller. Akrylgarn i neonfargar og ei heklenål er alt eg treng, og vips så kunne eg henga opp ei fargeglad vimpelrekkje.

Det er min kjære som verkeleg slit og utfører dei store jobbane i hagen, og eg elskar han for det.

No kan eg plukka søte jordbær, og ripsbæra er snart modne. I krydderhagen kan eg klyppa det eg treng av friske urter.

Ferien min er slutt no, og me har hatt mange fine dagar i Sverige og Danmark.

P7012213

Me sov på vandrerhjem, noko me kjem til å gjera fleire gonger. Her er eit bilete frå Årår kvarn och Vandrarhem. Ungane hadde det travelt i all roen, for like ved var ei elv med gjedder og kreps.

Berre synd fotoapparatet gjekk tom for batteri, så det vart ikkje så mange bilete som eg kunne tenkt meg.

P7102244P7102249

Jellybelle var hjå eldste sonen min medan me var på ferie, og både katt , ungar og vaksne var glade for å sjå kvarandre att.

mandag 27. mai 2013

I det siste…

P5192165

..har det ikkje skjedd så mykje handarbeidsmessig. Det er mest småting som ikkje er noko å blogga om.

Men eg har fått bursdagsgåve på forskot av min kjære, og den har teke av tida mi ; ein ny bærbar pc som har fått mine små grå til å bryna seg. Det ser ut til at eg har funne ut av det viktigaste no – som blogging og bilete – så det er berre å snu seg rundt og finna nål og tråd att Smilefjes som blunker 

Ellers har me vore på tur. Min kjære og prinsessa hadde ikkje sett den fantastiske Jøssingfjorden, med Helleren og alt det flotte rundt. Biletet over er frå utsiktspunktet over fjorden.

P5192170

 

Og dette biletet av min kjære er teke ved parkeringsplassen like ved Helleren. Frukttre i full bloming.

Skulle du nokon gong vere på desse kanter, kan eg ikkje anna sei enn at det er verdt ein ekstra omkøyring med å ta rv44 mellom Flekkefjord og Egersund.

lørdag 18. mai 2013

Pølsekrig

006 004

005 007

Det er jammen ikkje mykje som skal til for å gleda eit kattehjarta ; eg hekla ei neonrosa minipølse til Jellybelle, fyllt med fyllvatt og ‘cat-nip’ og la den på golvet….

Me må berre sjå kor lenge pølsa klarer seg, for den får gjenomgå mange gonger om dagen ;)

fredag 17. mai 2013

Gratulera med dagen!

 

002Noregs nasjonaldag -

nokon skal feira den saman med vener som har nær tilknytning til Sveits og Russland. Difor vert det markert med desse flagga også. Eg kryssar fingrane for at kaka fell i smak hjå alle.

Kvit Dame heiter kaka. Fyllet er makronbotn, jordbærsyltetøy, fløte og sukkerbotn. Eit marsipanlokk på toppen, pynta med marsipanroser og –flagg, dekorgèle og tørka kornblomer. Sløyfebandet er knytta enkelt rundt, og er berre å fjerna når kaka vert spretta.

Måtte dagen vera fin for deg og dine!

Siri

tirsdag 14. mai 2013

Skjønn kosekanin

 

001

 

Denne vesle kosekaninen har allereie funne sin hengjevne eigar. Prinsessa tok imot den med opne armar.

Det er mest så eg har lyst på ei lita korg full av desse.

Oppskrifta fann eg HER.

søndag 12. mai 2013

Vårleg strandkos

 

DSC_0052 Prinsessene kosar seg på nistetur ved stranda. Me er utruleg heldige og har mange kilometrar med sandstrand i nærområdet. Det er slettes ikkje mykje trengsel om plassen heller no utanom badesesongen..

torsdag 9. mai 2013

Kveldskos saman med prinsessa

002

 

I går kveld fekk eg nok ei ekstra stjerne i boka hjå prinsessa. Kveldsmaten fekk form av stjerne og kone. Eit lite sugerøyr i mjølka gjorde smaken betre.

Etterpå sat me saman i sofaen og las rim, regler og rare sangar frå ei bok som eg brukte mykje som barn ; ‘Barnet i liv og lek’, av Thor G. Norås frå 1976.

 

Tippe høne satt på gjerdet,

Tippehøne datt ned.

Ingen doktor kunne hjelpa,

Tippehøne var død.

~~*~~

Når du blir gammel

og ingen vil ha deg

så sett deg på taket

og la kråka ta deg.

~~*~~

En nisse

måtte tisse

Han gikk bak et gjerde,

der fant han en pære,

pæra delte han i tre :

en – to – tre.

~~*~~

Siri

onsdag 8. mai 2013

♥ Tjorven ♥

001

No har eg kjøpt meg den dokka eg hadde såååå lyst på då eg var liten. Tjorven-dokka, så blid og glad. Det er godt eg har ei prinsesse i huset, slik at eg har unnskyldningar for mine barnslege impulsar ;)

Siri

torsdag 2. mai 2013

Kaffi på tur

004

005

Eit lite prosjekt ~ etui til kaffiposar. Min kjære ertar meg stadig for å alltid ha med meg alle moglege slags saker, same kvar me skal. Her er nok ein liten sak som får vera med heretter. Ein kan jo aldri vite ; plutseleg kan man jo få lyst på god kaffi når man er på tur…?

Etuiet er strikka i Føn på pinne # 3,5. Her har eg putta 3 kaffiposar oppi, og kan nok få plass til eit par til, om eg vil. Planen var å sy eit lite motiv på etterpå, men det vart ikkje noko av. Eg kjem til å strikka kaffietui til gåveskuffa, og då vil eg gjera meg litt meir føre, med tanke på utføring.

Siri

tirsdag 30. april 2013

Vinnar!

001

 

Eg deltok i ein ‘give-away’ hjå rarebird the lab for ei lita tid tilbake, og jammen var eg den heldige vinnar! Boka ‘Strikkede tøzer’ har eg før lånt på biblioteket, og strikka nokre tøser frå. No er eg den lykkelege eigar av boka, og har handla inn garn til minst ei tøs med garderobe.

Eg har små planar om å ha ein aldri så liten gje-vekk på bloggen min, og håpar du kjem innom og vil delta ;)

Siri

mandag 29. april 2013

Garn frå ‘lageret’ kjem til nytte…

003

 

Gryteklutar hekla av Føn med heklenål #4. Eg har i utgangspunktet brukt same oppskrift som eg fann i Familien, berre lagt opp 40 masker med enkel tråd. Gode og mjuke, og dei vart godt mottekne av eldstesonen min.

Siri

lørdag 27. april 2013

Stolt! ♥

006

 

Minsteguten min har gjort det igjen ; han har dreidd. Denne gongen vart det ei flott klokke. Som du ser, så er klokka polert og fin, og treet har fint mønster i seg. ♥morshjarta lar seg lett gleda♥

Siri

onsdag 24. april 2013

Tjukke gryteklutar

002

 

I det forrige Familien var det oppskrift på hekla gryteklutar. Tjukke og gode, og veldig enkle å hekla. Dei to gryteklutane til høgre er hekla i Petunia, og dei andre fire er hekla i Mandarin classic.

Dobbelt garn og heklanål # 6, og vips ~ fleire gryteklutar i gåveskuffa.

Siri

onsdag 17. april 2013

Enkel vest til teddyen

290

 

Han ser litt meir nøgd ut no, med varm vest på seg. Vesten er strikka i dobbel Sandnes alpakka på pinne # 5,5. Knappane veit eg ikkje om eg vil ha, eller om eg kjem til å bytta dei ; me får sjå….

tirsdag 16. april 2013

Denne vil du vel helsa på?

296

Det er ikkje dei heilt store prosjekta eg hiv meg på for tida. Men til gjengjeld er dei utruleg søte!

Blekkspruten har eg hekla før, og små barnehender lekar stadig vekk med dei.

Lys blå Petunia og heklanål # 3. Maaange fastmasker seinare har eit knapt nøste forvandla seg til denne søte fyren.

onsdag 10. april 2013

Til ei dokke

002

 

Eit lite teppe på ca 50x50 cm. Hekla av ullteppegarn med heklenål # 3,5.

9 oldemorruter sydd saman, og nokre omgangar rundt det heile. Enkelt, men godt til ei lita babydokke.

fredag 5. april 2013

Praktiske til mangt

011

Nok ein idè til resirkulering av t-skjorter. Eg har laga fleire størelsar, og ser nytte av desse spesielt til sommaren. Då er me oftare på tur, både ved strand og vatn, og treng noko å ha badetøy i.

Som eit grønsaknett er det òg bra.

Her finn du sida eg har funne idèen frå ;)

Siri

mandag 1. april 2013

Når me skal på tur…

003

…pakkar me niste i denne sjarmerande nistekofferten frå Blafre.

Det er prinsessa som har valgt design, og det er ho som vil bære den på turen.

Her er plass til det me treng på ein mindre nistetur; juice for to, skiver med banan og noen kapteinkjeks med fårepølse. Me kunne ikkje koma fort nok fram, meinte prinsessa…

 

002

 

 

…og me kunne ikkje koma oss fort nok ut ifrå skogen heller, for her var det småskummelt fekk eg vite.

Kofferten kjem nok til å få høyra mykje…

lørdag 30. mars 2013

Enkle dokkevestar

006

Prinsessa har fleire veninner, og eg tenkjer dei alle har sine små dokker å passe på. Sidan prinsessa sin baby allereie har fått ein slik vest, har eg strikka eit par som er tenkt som vårleg gåve til 2 tvillingveninner. Det er ikkje mykje garn som går med, og mønsteret er superenkelt. Du finn mønsteret hjå ‘frances fra lykkeveien’. Søte knappar er enkel pynt.

onsdag 27. mars 2013

Smilande egg og glade jenter

014

 

Prinsessa og eg vart inviterte til våre tyske vener på påskeeggfarging. Superkoseleg pysleri for små og store jenter. Hardkokte egg og fargestifter.

 

016

 

 

Små, lubne hender held egget på plass medan det pyntes med nøye utvalgte vannfargar.

 

018

 

Eit ekte smilande egg !

 

tirsdag 26. mars 2013

Klukk Klukk

011

Høner strikka på same måte som i forrige innlegg, berre ikkje fylt og sydd igjen under. Koselege eggevarmere av restegarn.

012

013