Eg har byrja pusla med førebuingar til vinter, og har i den anledning hekla ei ‘Stjerne-rekkje’ som eg gjerne har lyst å gje til ein av mine kjære lesere. Om DU har lyst å vera med i trekninga, er det berre å skriva ein kommentar til dette innlegget.
Kommentar –> 1 lodd
Kommentar OG link til dette innlegget –> 2 lodd
Bruk då biletet å linka med.
Eg trekkjer ein vinnar 31.oktober.
Lykke til!
Siri
Den eine dagen er den andre ulik, heldigvis. Men ei ganske lang stund har dagane mine vore altfor like. For eit par år sidan slo ein depresjon meg ganske ut. Hovudet var så trøtt at resten av meg ikkje klarte å fungera fullt ut på jobb lengre. Det er slitsomt å vera sliten.
No er eg midt oppi arbeide med å ta kvardagen min tilbake, og går i kunst- og uttrykksterapi. Eg har funne att gleda i å bruka ark og blyant, måling og leire. Skapargleda kjem meir og meir til overflata, og vil gjera sitt inntog i ledige stunder.
Det er terapi i å vera meir åpen om kvardagen min òg. Å ufarleggjera temaet depresjon. Galgenhumor er ein viktig støttespelar her.
Så, morgondag, kom og ta meg – eg er klar!
Siri
biletet er funne på nettet…
Ein katt sydd av gamalt dynetrekk og ‘trollgamle’ knappar. Fuglen i kattens pote er sydd av nokre restar eg hadde att frå stoff brukt til Prinsessas klede. Mønsteret er henta frå ei av ‘Tilda’-bøkene.
Ikkje den søtaste Tildakatt, men den har sin rustikke sjarm, tykkjer eg.
Den har fått ein god heim hjå min mellomste son.
Siri
Bilete teke i Kvassheim hamn, iløpet av 5 minutt, ein haustkveld….Jæren, mitt jæren ♥
Siri
Eg nytta meg av bloggen Chocolanas Matblogg, og fann oppskrifta på Unni’s kokoskake.
Pynten er melisglasur, der eg har brukt litt sitronsaft, fløte og melis. På toppen er det kokosflak og tørka ringblomer, samt eit lite dryss med ‘glitter’. Kaka fekk samtlige her i huset å koma snikandes inn på kjøkkenet i håp om at det var ein smakebit på dei, men dei må nok venta til neste kakebakedag.
Siri
