reSIRIkulert

Til mor og svigermor

2012-02-14T13:10:00.001+01:00

Petunia er det perfekte bomullsgarn til klutar i diverse varianter.
Her har eg strikka 2 vaskeklutar av eit nøste. Restane brukes til bomullspads..
Dette var ein del av gåvene til mor og svigermor på morsdagen.

Siri

Dei heldige er ;

2012-02-14T09:44:00.000+01:00

Då har eg trukket ut vinnarane i min gje-vekk.
Dei heldige er;
Lonemor

og
Stine Hoelgaard Johansen

Gratulera!

Send meg namn og adresse på mail, lykkelise@hotmail.com , og broderia er snart på veg til dere.

Siri

# 4, 5 og 6...

2012-02-08T09:18:00.001+01:00

Meir bruk av restegarn.
Sokkar er alltid kjekt å ha liggjande i gåveskuffa; her i str 21 og str 26...

Min kjære vil heller ha sokkar strikka av eit og same garn, så han må jo få det som han vil...
Her er str 43, for gjort å strikka på pinnar 4..

Siri

Mitt aller første par..

2012-02-05T10:11:00.000+01:00

Då har eg endeleg gjort det eg har tenkt på i laaang tid; strikka eit par votter.
Sikkert ikkje den største utfordringa, men det var ein 'bøyg' eg måtte over..
No sit eg med ein kopp kaffi og nokre peperkaker og koser meg.
Oppskrifta har eg funne hjå Pickles, og eg har brukt Falk, frå Dalegarn, og pinner nr 3,5. Størrelsen er 1 år..
Ein liten kaffipause no, så hiv eg meg igang med neste par, tenkjer eg...

Siri

Legg godviljen til...

2012-02-04T15:06:00.002+01:00

...så ser du at eg har laga ein liten ape..
Den er så stor at ein kan ha iPod'en i den - kanhende ein iPhone tilogmed...?
Restegarnet tek ingen ende, og eg likar godt desse små prosjekta.
Etuiet skal eg gje til ein gut eg lova å laga ein ape til...

Siri

Mange trådar små..

2012-02-03T10:30:00.001+01:00

Det går mest i små puslerier for tida, i håp om å minka restegarnslageret ein smule..
Fleire te-bager, sminke-lappar og høne..
Eit etui til lommetørklede har det òg blitt. Knappane er gjenbruk, alle som ein. Dei minste trådane er blitt til blomer, nebb og hønekam.
Eg kan godt lika alle desse små prosjekta, og no som det snør så fint ute, er det ekstra koseleg handarbeide...

Siri

Det byrjar likna ei veske

2012-01-28T22:46:00.000+01:00

Eg har kome godt igang med veska eg skal lage av gjenbruks-broderiet eg har valgt meg ut.
Den 'gamle' veska mi syng på siste vers, og eg ønskjer ein ny 'følgesven'..

Framsida er broderiet eg kjøpte på gjenbruken, sidene, botn og hanken er av svart 'arvegarn' av ukjent art...

Baksida er hekla av mykje ulikt og fargerikt restegarn av ull..

Hanken er halvvegs ferdig, og eg manglar glidelås og fòr i veska.
No gler eg meg til den er ferdig..

Du har òg mulighet til å vinna eit av to broderier i 'Gje-Vekk'en min. Den trekkes 14. februar.

Siri

Sminke-lapper

2012-01-27T06:09:00.003+01:00

Den siste veka har me vore sjuke, den eine etter den andre. Då er det veldig greit å ha småprosjekter å halda på med.
Eg har funne fram Føn, frå Gjestal spinneri, pinner 3,5 og lagt opp 15 masker. Strikka 10 riller og felt av.
Av eit nøste fekk eg 10 lapper.
Her har eg lagt dei i små bunter og knytt rundt ein hekla blome av restegarn. Planen er å ha nokre bunter liggjande i gåveskuffa, i tillegg til dei eg har strikka til meg sjølv.
Mjuke og gode til sminkefjerning, og miljøvenleg sidan det berre er å vaske dei og bruka dei igjen og igjen..

Siri

Te - Bag

2012-01-25T08:57:00.002+01:00

For ein te-glad person som likar å gå tur, tenkte eg det kunne vera kjekt å ha ein liten bag å samla eit par te-posar i..
Te-bagen er strikka i Petunia på pinnar 3,5, og pynta med ein liten gjenbrukts-knapp.

Kjekk, liten bag å ha i veska eller sekken. Og kan fint gjera bruk for seg til andre ting også. F.eks. til å gøyma med seg o.b. i veska...

Siri

Gåvene er klare

2012-01-20T10:16:00.001+01:00

Her har restegarn fått gjere nytta. Desse små leikene har fascinert store og små som har vore innom heimen, og eg har lova prinsessa at ho skal få sine eigne etterkvart, ho også. Dette er gåven til fadderjenta som skal ha 1-års bursdagsfest i morgon.

Siri

Gje-vekk på hjartedagen

2012-01-11T19:44:00.002+01:00

Det er vinter, sola har snudd og me treng tilskot av glade fargar...
Etter å ha gjort eit kupp på 'Gjenbruken', ønskjer eg å dela gleda med andre.
To flotte broderier på ullstoff, type 'bunadstoff', lodder eg ut til to heldige. Alle kan delta på gje-vekk'en.

Det første ein bukett blomar ~

~ det andre av ein fugl blandt kirsebær...

Du kan ta inntil 2 lodd;
-1 for kommentar på innlegget
-1 for å linka til gje-vekk'en
bruk då eit av dei øverste bileta.

Eg trekkjer dei heldige på hjartedagen 14.februar om kvelden.

Her ser du biletet av heile stoffbiten, og målet er ca 35x35 cm.

Håper å kunne gleda med desse glad-broderia..

Sjølv held eg på å laga meg ei ny veske av eit anna broderi...

Siri

Leiker til småfolk

2012-01-06T07:01:00.000+01:00

2 små fadderbarn fyller snart 1 år. Sjølv er eg inne i ein 'småprosjekt-periode', og nyttar sjansen til litt småstrikk.
Restegarn i mange fargar og ullkvalitetar er funne fram, og etter mange runder rundt i Blogglandia, har eg funne inspirasjon til litt 'Waldorf-leiketøy'.
Hønene var utruleg enkle, og fort strikka. Mønster fann eg hjå Tusindfryd.
Gnomen har eg strikka etter innfallsmetoden, etter å ha sett mange bilete av slike..
Etter å ha teke dette biletet, har eg strikka ein gnom til, og ein kvit katt. Eg har òg pynta litt på gnomane med enkelt broderi. Bileter kjem etterkvart..
Dette er strikk etter mitt hjarte for tida, så kjem nok tida for litt større prosjekt snart..

Siri

# 2 og # 3

2012-01-05T17:35:00.000+01:00

Bilde av par nr 2, strikka i Silja..

Par nr 3, strikka til min kjære. Eg ser at eg ikkje har strukket sokkane likt på biletet...

Siri

Første par ut

2012-01-02T19:38:00.001+01:00

Som tidlegare nemt, så er gult prinsessa's favorittfarge. Og slik som det er ordna her, så får eg jammen ein tur/retur Jæren-Oslo ein gong i månaden med tog. Då har eg god tid til litt handarbeid.
Sokkar stod på prinsessa's liste, og eg fann fram Silja og pinnar nr 3. Lite ante eg at det var så drygt garn, for eg har strikka eit par til prinsessa og eit par til meg, og ennå har eg ikkje brukt opp 2 nøster...

Siri

Siste kveld i 2011

2011-12-31T11:40:00.000+01:00

Kvelden skal feirast saman med mange gode vener, både små og store.
Menyen for aftenen er kalkun med mykje godt attåt. Mi oppgåve er å bringa med Waldorfsalat, som smakar fortreffeleg til kalkun.

WALDORFSALAT

6 epler
4 ringar ananas
100 gr valnøter
3 dl majones
3 dl piska fløte
saft av 2 sitroner
4 ss ananassaft
blå druer
4-6 stanselleri

*Skjær eplene i biter og dynk dei i sitronsaft.Skjær ananas og selleri i biter. Bland majones og fløte, og ha alt i. Oppskrifta skal vere meir enn nok til 8 personar.

Me handla litt for mykje fløte til julehelga, og den må brukast opp denne helga. Då passar det godt å laga denne desserten;

Oppskrifta finn du her
~Ostekake/dessert~

Kveldens høgdepunkt er pakkeleiken som me har kvar nyttårsaften. Pakkane ligg klare, noko tull og noko for alle.

Til slutt vil eg takka for det gamle, og ønskje deg alt godt i 2012.

Siri

Lommetøfler

2011-12-29T11:00:00.000+01:00

Eit nøste Robust = eit par lommetøfler størrelse dame.

Kjekke å ha i gåveskuffa. Kanhende dei får litt pynt innan dei får ein eigar...

Siri

Space Invader

2011-12-28T20:26:00.003+01:00

Eldstemann her i huset har opp gjennom åra funne på mykje rart. Aldri av vond vilje; han meiner berre godt, akkurat som Emil... Han er heller ikkje den som tek seg sjølv så høgtideleg, men eg trur han følte at han gjekk for langt nyleg.
Han og kjærasten skulle ut og gå tur. Kjærasten hadde på seg hua som eg strikka til ho i fjor, men eldstemann leita etter ei hue han kunne bruka. Eg skulle sei 'god tur' til dei, men oppdaga at han hadde teke ei av mine huer; den i Alfa glittergarn, med stor blome i sida... Han flira litt og klaga sin naud. Kvifor hadde eg ikkje strikka hue til han...?!

Vel, no vonar eg han blir nøgd. Ei Space Invader hue, strikka i Freestyle på pinnar nr 4,5 og 5..

Siri

God Jul

2011-12-24T14:10:00.002+01:00

Marsipankake med romkrem og bringebærsyltetøy.

Fleire kuler

2011-12-23T08:26:00.000+01:00

I november hadde eg ganske så 'store' planar. Eg kjøpte kalenderen til Arne&Carlos, og såg føre meg at eg skulle strikka, om ikkje alle, så iallefall halvparten av dei 24 juletrekulene...

Heldigvis er det ein kalender eg kan ta fram att år etter år. For når alt kjem til alt, så har eg strikka ferdig 2 kuler, og såvidt byrja på 1 til...
Flotte er dei, og kva er vel kvardagen utan planar...?!

I desember har eg baka og stått på. Mange gode kaker og konfekt.
Noko har eg pakka i poser og gjeve til mor, svigermor og kjæraste nabo.
Alt det andre har på merkeleg vis forsvunne.... Trur det må vera nissen som har vore på ferde...

I dag skal juletreet fram, ungane skal få pynte, graut skal kokast, pinnekjøt skal leggjast i vatn, pakkar skal leverast og sist, men ikkje minst, dagen og kvelden skal nytast...

Siri

Juletrekuler

2011-12-21T22:55:00.000+01:00

To kuler med same mønster, men med ulikt garn. Sjølv tykkjer eg kula med kvit rose er finast..

Siri

Kvar dag er ikkje lik...

2011-12-20T17:05:00.002+01:00

...det er heldigvis slik det skal vera. Og når det stormar rundt deg, er det godt å finna ei trygg hamn å søkja ly i.

Det siste året, og vel så det, har vore det beste i mitt liv. Eg har funne 'den store kjærleiken', gifta meg og fått ein stor familie å vera glad i. Men det har òg hatt sin pris...

Det er mest som at kroppen ikkje har tru på at det går an å ha det så godt. Stille og roleg har eg rota meg inn i ein mild depresjon. Eg set ennå pris på dei små tinga, og finn glede i handarbeid og tur.

Men sjølv om eg har lyst til å gjere så mykje, samarbeider ikkje kroppen med hovudet.

No når det nærmar seg jul, kjenner eg nok litt meir enn ellers.

Alt eg tidlegare hadde planlagt har ikkje blitt gjenomført; juleverkstad, heimelaga juletrepynt, mest mogleg heimelaga gåver, og kos saman med vener og familie.

Men jula kjem uansett, og eg har,tross alt,hygga meg med planlegginga. Det kjem mange fleire juler, og nok av tid til kos. Eg ser fram til ei roleg jul saman med min kjære og ungane.

Siri

Kanelkake med noko ekstra

2011-12-12T10:23:00.000+01:00

Prinsessa vart nettopp 4 år, og som lova laga me fest.

Eg tok føre meg oppskrifta på 'Kanelkake', tilsette noko ekstra og hadde sikta melis på toppen istaden for sjokoladekrem.

Til lita langpanne brukte eg halv oppskrift, tilføyde 100 gr hakka kvit sjokolade, 100 gr hakka kokesjokolade, revet skall av 1 appelsin og 3 ss ferskpressa appelsinjuice.

Kaka trengte nokre minutter ekstra steiking, men miksen var perfekt.

Siri

Peppermyntekonfekt

2011-12-11T08:38:00.001+01:00

I morgon, 12.desember, er dagen då ungane her i bygda går julebukk, no som så lengje eg kan hugse. Sjølv vaks eg opp eit stykkje frå bygda, med 9 hus samla i nærleiken. Mørkt var det, ingen gatelys og skog tett inntil vegen. Men var det noko eg gleda meg til, så var det å gå julebukk! Me fekk korga full av godsaker, og eg hugsar spesielt ein gong då eg vart bedt inn for å smaka på nylaga peppermyntekonfekt....

*Peppermyntekonfekt*

250 gr melis

1 eggekvite

1 ts vatn

2 dråpar peppermynte

~rør saman. Kanhende du må bruka meir melis for å kunna trilla ut kuler.

Smelt 2 plater kokesjokolade saman med ein klatt kokosfett.

Dypp kulene i sjokoladen og rull dei i kokos.

Siri

Jødekaker

2011-12-04T11:36:00.001+01:00

Jødekaker er nok dei kakene eg hugsar aller best frå barndomen. Farmor hadde alltid nokre store syltetøyspann fulle av gode småkaker, året igjenom.

Opprinneleg var dei runde, med litt perlesukker-strø på toppen. Men dei er supergode som hjarter utan sukker òg...

Beste resultat får du om du har tilgang på råmjølk, men det går fint å bake utan også.

*Jødekaker*

1/2 l råmjølk (eller 1/2 l mjølk+2 egg)

1 kg kveitemjøl

1/2 kg sukker

250 gr smelta smør

6-8 ts hornsalt

Steikes ved 210 grader i ca 10 minut.

Prøv å kjevle deigen tynt; då får du dei beste kakene..

Og ~ sjølv om dei er haldbare, kan dei vera kjekke å ha i frysen.

Siri

Til deg

2011-12-03T22:14:00.001+01:00

Eg har trukket ut ein følgjer som vil få denne nåleputa i posten om ikkje så lengje...
Sissel, med bloggen Englequilt, er den heldige. Send meg mail med adressa, så er nåleputa framme om kort tid.

Siri

Brende mandlar

2011-11-29T07:14:00.001+01:00

Etter ønskje legg eg gjerne ut oppskrifta på brende mandlar.

100gr mandlar

30gr sukker

1dl vatn

1ts smør

*Kok opp mandlar, sukker og vatn,i ei vid kasserolle,på sterk varme. La det koke til vatnet har kokt ut, og rør av og til. Når vatnet er nesten borte røres heile tida. Mandlane får eit sukkerbelegg. Kok vidare under stadig omrøring til sukkeret smeltar. Ta kasserolla av plata, rør inn smør, tøm ut på bakepapir og ta mandlane frå kvarandre medan dei ennå er varme. Avkjøl og oppbevar tørt i tett boks/glas.

Siri

Den gode innetida

2011-11-27T07:10:00.001+01:00

Det er ei god tid me går i møte nå. Sjølv om det kan vera aldri så surt og kaldt ute, er det den beste tida å tenna lys inne, og fyra i ovnen. Finna fram litt julepyssel, baka litt og laga litt julekonfekt.

Denne tida er litt travel for meg. Eg har 2 søner som fyller år, 1 prinsesse som følgjer straks etter, 1 halvbror av mine gutar, og minste bror min. Travel tid, men utruleg koseleg!

Dette året er eg faktisk litt seint ute med julebakst; har såvidt byrja å laga nokre brende mandlar. Bra oppskrift som er rekna for små porsjonar, men mykje raskare enn stor porsjon. Her er litt mindre sukker i også, så dei er passe søte.

Julekalendaren til mor er overlevert, og 3 julekalendarer venter på å bli hengt opp her i heimen.

I dag skal me nok våga oss ut i stormen for å ta nokre dramatiske bilete, for så å koma oss inn i varmen og nyta noko varmt i koppen. Adventstaken står klar til å tennast i kveld. Kanhende det blir noko meir i kakeboksane òg, kven veit....?

Siri

Nok av restar

2011-11-21T00:53:00.001+01:00

Er det noko det er overflod av her i huset, så er det garn og restegarn. Dette restegarnet har eg hatt liggjande i eit-par år, og har blitt nytta til sokkar før. Prinsessa var glad for sokkane; ho er så glad for kvar ting eg lagar, eller kjøper til henne..

Fortsatt nokre meter garn att frå nøstet, og eg fann fram boka 'Brukt på nytt'. Det er nokre kjekke mønstre på dokkeklede, og eit sjal til prinsessa's baby var vel passande....?

Her sit babyen så fint i sofaen og søv, godt inntulla i sjalet...

Elles har eg testa ut pølse- og spagettivarianten som er så 'in' her i bloggeverda. Ungane åt sikkert dobbelt så mykje som vanleg, men det får bli laurdagsvarianten, for det tok litt tid å laga..

Siri

Skogens skattkammer

2011-11-17T11:50:00.001+01:00

Ååå, om eg berre tok meg meir tid til å nyta denne årstida og alt den har å by på...

Ein hærleg skogtur, saman med mi kjære naboveninde, te i termosen, pose og saks med i sekken; Me sanka meir enn me fyrst planla..

Mosekledde einergreiner, furukongler, lerkekongler, bark og meir mose.. Hortensiaen hadde eg allereie plukka inn, og den er halvvegs tørka. Orkidègreina har eg klyppt av planten i kjøkkenvindauget. Engelen er ei gåve frå mor mi for fleire år sidan, og fatet er min kjære's funn på gjenbruken..

Snart er det advent, og eg vil nok berre bytta ut hortensiaen med nokre lilla nellikar... Nyt tida!

Siri

Vaniljekake

2011-11-16T06:22:00.001+01:00

Dette er ei nydeleg kake, og her er det rom for variasjon.

Etter å ha bakt den nokre gonger, så har eg testa ut litt. I originaloppskrifta skal det brukast vanleg sukker på toppen, men eg likar den gode 'karamell'-smaken ein får av å bruka brunt.

Det beste er å smelta litt smør, og blanda ut det brune sukkeret og kanelen i det. Smør det over toppen på kaka.

Sjokoladebitar vart godt motteke her i heimen. Elles kan eg nemna blåbær og revet sitronskall, eplebitar eller nøtter i.

Oppskrift til ei stor langpanne;

Vaniljekake

250 gr smelta smør

1 liter vaniljesaus

550 gr sukker

2 ts vaniljesukker

6 ts bakepulver

800 gr kveitemjøl

*Alt blandes og helles i langpanne. Strø kanel og sukker over.

Steikes ved 180 grader i 30-40 minutter.

Siri

Kva er galt..?

2011-11-13T20:09:00.001+01:00

Dei siste vekene har eg utallige gonger forsøkt å leggja att kommentarar i andre bloggar, men får berre melding tilbake at mi mailadresse ikkje har tilgang til sida.. Utruleg dumt, for det finnes så mange flotte innlegg eg gjerne ville ha kommentert..
Kan det vera noko eg ikkje har oppdatert, eller er det andre som har same problem...?

Siri

Hals over hovudet

2011-11-11T09:28:00.001+01:00

Nøstebarn-boka har gjort seg nytte igjen; Tida er inne for å kle seg litt betre...

Denne halsen er i vaksen størrelse, og strikka av eit nøste ullgarn som passa pinnar 3-3,5. Eg brukte pinnar nr 3,5.

Ein barnehals strikka i Pickles 'Ekstra fine babymerino' , farge apricot.

Og denne er restegarn frå Pickles 'ekstra fine babymerino' , fargar apricot og rose. Dette var eit utruleg hærleg garn å strikka med, så eg kjem nok til å auke garnlageret mitt pittelitt i næraste framtid...

Fleire halsar kjem nok òg på pinnane igjen, for det var superenkel strikk å ha med på strikkekafè - eg kunne både strikke og snakke samstundes ;o)

Siri

Me planleggjer ein kjøkkenhage

2011-11-09T06:36:00.001+01:00

Etter at min kjære kom 'til gards', har det byrja bli meir orden og planar for uteområdet. Eigedomen er berre ca 500 m2 totalt, men min kjære ser moglegheiter for mykje. Førebuingar til neste år har han starta på nyleg; kjøkkenhage -

I haveskuret er det rydda - og 'skattar' er funne: her gamal sengebotn og ei list av eit eller anna slag. Utruleg kva ein kan ha liggjande....!

8 av fjølene vart spikra saman til ein ramme, forsterka litt i hjørnene av lista ~ sim sala bim, ein aldri så liten krydderhage vart til...

Min kjære er veldig glad i 'dingsar', og her fekk han bruk for spikerpistolen sin ;o)

Siri

~ Utanom hobby ~

2011-11-03T22:13:00.004+01:00

Siste gongen eg lasta bilete inn på pc'en min, var desse 3 bileta blandt dei...

Eg er ganske sikker på om eg spør kven som helst her i heimen, så er det nok ingen som har teke dei...

Sjarmerande dokumentering på korleis kvardagen kan vera -

Siri

Lettvindt ostekake/dessert

2011-10-21T08:28:00.000+02:00

Skal du ha gjester, eller berre vil gleda dei heima med noko godt, kan eg verkeleg anbefala denne desserten/kaka.

Det var eg som var månadens vertinne i foreninga eg går i. Eigentleg ville eg ikkje bruka for mykje tid på kjøkkenet akkurat den dagen. Då kom idèen om å prøva meg fram til ein dessert som eg fekk servert i eit anna selskap nyleg. Utan oppskrift å gå etter var det berre å satse på lykke og fromme...

Ein stor porsjon vart det, sikkert nok til 10-12 stk, så den kan godt halvverast om du ikkje treng så mykje.

Her er brukt;

2 pakkar fløte

500 g melis

2 pakkar philadelfiaost

2 pakkar Safarikjeks

3-4 kiwi delt i skiver

~ pisk fløte og melis, og tilsett osten og rør til kremet.

~ knus kjeksen

legg dette lagvis i ei skål, og nyyyt.

Her er det eigentleg fritt fram til å bruka den kjeks og frukt/bær du måtte ønskje sjølv.

Siri

Lause trådar

2011-10-20T06:50:00.001+02:00

Sokkestrikking for tida.

Enn så lenge lar eg berre trådane vere, og festar dei etterkvart.

Dei raude sokkane med aprikos hæl og tå, er strikka i Pickles garn eg har hatt liggjande ei stund. Alldeles hærleg garn å strikka med, og drygt er det òg. Størrelsen er ca 36-37.

Det vil etterkvart bli noko restegarn, og dei små sokkane er strikka av sådan. Størrelse eit-par-og-tjue. Kjekke å ha liggjande på lur til mine små fadderborn.

Siri

Pakke frå hemmeleg ven

2011-10-18T06:51:00.002+02:00

Oktober kunne by på nok ein runde med 'hemmeleg ven' på Hobbyboden. Kva kan vere meir spanande enn å motta ein pakke frå nokon du slettes ikkje veit kven er...?!

Nydeleg lilla garn, og eit nøste kvit...tovbart alt saman. Sjokolade og kaffi, og telys med vaniljeduft..

Tusen, hjarteleg takk, min kjære hemmelege ven!

Elles har eg tida for dei små prosjekt; hekla krukkelokk. Her har eg prøvd meg etter innfallmetoden. Perlebæra er nokre perler frå eit gamalt smykke...

Sennepskrukka har òg fått seg lokk. Ikkje heilt nøgd med denne oppskrifta. Sløyfebandet er ein stump frå merkelappen til brudetoppen min.

Restegarn omgjort til nålepute. Knappen er eit aldri så lite funn på 'Gjenbruken' for 1 krone.

Meir restegarn, og knapp frå avlagte klede.

Har funne ut at desse nåleputene er ypperlege å ha liggjande på lur i gåveskuffa. Det trur eg fleire krukkelokk òg vil verta.

Siri

Blåtur med min kjære

2011-10-17T17:50:00.002+02:00

Tidleg sundag morgon la eg planar for ein blåtur med frukost saman med min kjære.

Enkel niste; grov skjeve med pålegg, juice, kaffi, kjeks og to små 'Kvikk Lunsj'er'.

Hauge i Dalane har mange flotte turveger å by på. Her er me på veg til 'Ruggesteinen'.

Min kjære vart vakna tidleg, med opplysingar om å kle seg for utevèr, og kanhende han ville ha med kameraet sitt...

Og, ja, som Mayen lurde på i forrige innlegg; eg er ein håplaus romantikar og livsnyter...

Siri

Å, lykke!!

2011-10-14T00:44:00.000+02:00

Alle

dei

små

augneblikka

~ eg elskar dei ~

Siri

Brunsviger

2011-10-10T17:52:00.002+02:00

Ei kakeoppskrift eg vart nysgjerrig på ein føremiddag...

Førebuing, hevig og steiking tok berre 1 time til saman, så det er ei kjekk oppskrift å bruke om ein skulle få lyst på noko lettvindt, eller får 'uventa' gjester..

3 dl mjølk

50 g fersk gjær

125 g smør

1 ss sukker

2 egg

600 g kveitemjøl

Topping;

250 g smør

250 g brunt sukker

2 ss kanel

~smelt smøret, hell i mjølka og varm til 37 grader. Løys opp gjæren i blandinga og tilset sukker.

Tilset mjølet litt og litt saman med egga.

Bre deigen ut på bakepapirkledd langpanne, og la den heve 30 minutt. Prikk deigen med fingrane.

Smelt smør og sukker i ei gryte og bland i kanel. Hell toppingen over deigen.

Steik kaka i ca 25 minutt ved 200 grader.

Smaken minnar om karmelliserte kanelboller.. MMmmm

Siri

4 nøster Føn

2011-10-03T11:08:00.000+02:00

Etter å ha handla nokre posar garn(posesalg -fyll ein pose for 200,-) på Gjestal Spinneri, er det berre kva som skal brukast til kva.... Eg har såvidt strikka eit par klutar i Føn før, så valget var lett med desse nøstene.

Eit gjestehandklede og ein vaskeklut ~ handkledet er ca 50x70 cm..

Svart er ikkje ein farge eg har sjølv, men settet gjer seg utmerka godt i gåveskuffen føreløpig.. Det nærmar seg tross alt jul, og det kan jo henda me treng ha med vertinnegåve òg ein gong..

Siri

Unn deg noko godt

2011-09-19T07:06:00.000+02:00

*Vannbakkelser*

125 g smør

2 1/2 dl vatn

2 1/2 dl kveitemjøl

4 egg

~Kok opp vatn og smør.

Tilset mjølet og rør til deigen slepp kjelebotnen.

Avkjøl litt, og rør i eitt egg om gongen.

Legg med skje på bakepapir.

Steikes i 20-25 minut ved 200 grader.

-Ikkje åpne døra under steiking!

Avkjøl på rist.

Her i huset fylles vannbakkelsane med ei blanding av krem og vaniljekrem. Ungane kan mest ikkje få nok når eit fat med desse kjem på bordet...

Siri

Favorittfarge

2011-09-18T21:34:00.001+02:00

~GUL~

Prinsessa har klare meiningar på kva slag farge ho likar best.

Ho har;

*gult rom

*gul kjole

*gule blomar til håret

*gul kjole til babyborn-Elise

Ho ønskjer seg;

*gule sokkar

*gul vest

*gult strikketeppe

*gul poncho

Kva anna kan eg gjere enn å handle inn i gult...?

Siri

Spelekrakken

2011-09-16T08:48:00.001+02:00

Min kjære spelar ei rekkje instrumentar; trompet, gitar, fløyte, synth og elektronisk fløyte.

Han har adoptert dei to barkrakkane eg hadde ståande, for dei er visst perfekte til spelinga.

Etter ønskje frå min kjære har eg hekla trekk i restegarn til dei, mønster vart til etterkvart.

No er det duk til å ha under desse forskjellige miksedingsane til lyd som står på ønskjelista hans. Han har stor sans for handarbeidet mitt, og fleire av hans musikerkollegaer har gitt uttrykk for misunnelse for krakkane.

Siri

Den perfekte dagen!

2011-09-13T20:49:00.001+02:00

~Enkel bordpynt~

~Å halda handa til denne blomsterpiken var min brudebukett ~

~Kreativ brullups(kake)gåve~

~Bok med minneord frå gjestene klar for lesing~

~Brudeskoene endeleg av....~

Siri ~ lukkeleg nygift!

Til Rune

2011-09-13T20:49:00.000+02:00

Du er som solen,- en majestet,

lysende skjønn og stor!

Jeg kretser om deg, snart kold snart het,

som en årtidsskiftende jord.

Vender jeg meg fra deg som jorden gjør,

da vintrer mitt hjerte til,

sangene tier og blomstene dør

fjernt fra din kjærlighets ild.

Men når jeg atter mot solen snur,

blir jeg en gjenfødt vår,

Mitt sinn blir en blomstrende allnatur

som glad mot din sommer går!

Fra Siri

Nostalgisk langpannekake

2011-09-05T08:18:00.003+02:00

Eg vart tidleg husmor; berre 17 år. Og som god husmor skal man kunne litt kjøkkenkunster. Her er oppskrifta på den fyrste kaka eg baka, heilt på eigen hand. Oppskrifta fekk eg av mor til besteveninna mi - og,du å du, ho kan sine bakekunster!

Oppskrifta var så god at det var denne eg brukte i mange år, til alle anledningar.
Liten Langpannekake

2 egg
3 dl sukker
ca 4,5 dl kveitemjøl
2 1/2 ts bakepulver
2 ts vaniljesukker
1 ss kakao
1 1/2 dl mjølk
150 g smelta smør, avkjøles saman med mjølka

Pisk egg og sukker godt.
Bland alt det tørre.

Rør det tørre og mjølkeblandinga annankvar gong saman med eggeblanding.

Steikes ved 220 grader i 20 minutt, i liten langpanne.

Glasur

3 1/2 dl melis
4 ss smelta smør
4 ss sterk kaffi
1 ss kakao
2 ts vaniljesukker

Pynt

kokos

Nytes saman med dei du er glad i.

Siri

Å finna balanse

2011-08-31T11:28:00.003+02:00

Det siste året har ikkje kroppen min og eg vore heilt på bøljelengde. Eg som ikkje plar vera sjuk, har eigentleg fått det eg ikkje har hatt tidlegare.. Det er rart; akkurat som om kroppen ikkje er klar over at eg aldri har hatt det så godt før..

Då er det fint å ta ein pause, gå ut i naturen - eg er glad i denne skogen her..
Kikka seg rundt, og leggja merke til dei små tinga som rører seg...

Og kjenna roen som senkar seg over sjela når ein er omringa av nydelege, rolege grøntonar...

I går var min kjære og eg og snakka med presten, øva på gangen opp kyrkjegolvet; Nei, eg har aldri hatt det så godt før...

Siri

Ja, eg samlar

2011-08-30T08:17:00.003+02:00

Ja, som sagt, eg samlar på gryteklutar - då aller helst på hekla..

Eg har fått spørsmål om det nokre gonger, og tenkte difor at eg kan visa fram samlinga mi. Litt sjølvhekla, nokre fått og dei fleste funne på 'Gjenbruken'.
Foreløpig har eg ikkje funne ut kordan samlinga skal koma til sin rett, så her ligg dei samla, oppi ei nettingkorg. Det er berre å venta på rette idèen no..

Siri

Samlingsfunn

2011-08-29T07:58:00.004+02:00

På fredag hadde eg ein køyretur langs Jæren, og fann fram til ein 'ny' Gjenbruk eg ikkje hadde sett før. Og du og du, for ein Gjenbruk!!

Eit heilt lite paradis for oss som elskar slikt.

Blant anna fann eg nokre gryteklutar til samlinga mi.

Denne grøne har eg ikkje sett makan til før, og eg kan godt tenkja meg å prøva hekla slike sjølv, berre i andre fargar.

Desse har eg sett fleire av, og eg trur jammen eg har mønster liggjande. Men det er liksom noko eiget med gryteklutar som har levd sitt liv..

Siri

Kom haust

2011-08-28T08:38:00.003+02:00

For nokre dagar sidan vart eg endeleg ferdig med hekleteppet. Ei kjempestor oldemorrute hekla av restegarn og garn frå lageret i forskjellig ullkvalitetar. Tanken bak var haust, og eg tykkjer eg har klart å få fram lyng, mose, nyper, blåbær og visnande blader...
Kanten rundt er av enklaste slaget..
Min kjære ser fram til å pakka teppet med i piknikkorga framover.

Teppet vart tilslutt 132x132 cm.

Siri

Gratulera med dei 50!

2011-08-27T14:39:00.003+02:00

Mi kjære veninde, og nabo, vert 50 år i morgon. Ho har innvitert til fest i kveld. Me vert vel 7-8 kvinner, og ho hadde eit ønskje om at eg skulle baka ei kake til henne.

Kaka er ein del av gåva frå meg, og eg har gjort mitt beste for å laga den etter ønskjet; marsipankake med fyll av bringebær og romkrem...
Eg hadde lyst å testa ut ein, for meg, ny måte å laga pynten på. Det er dei 'vanlege' fargane eg har brukt, men istaden for å blanda fargen inn i marsipanen, har eg heller måla fargane på, iblanda litt vatn for å gjere fargen lettare å bruka, og for å gjera fargane litt 'mildare'.
Resultatet liknar akvarellmålin, tykkjer eg...

For å gje litt liv til kaka, har eg brukt litt perlemorstøv..

Dei 'kvite' blomane har kandiserte fiolar i midten.

Eit lett dryss perlemor...

Og kandiserte fiolar rundt kanten...

No gler eg meg til kveldens feiring.

Siri

Blandt lyng, nype og mose

2011-08-19T17:59:00.002+02:00

Det nærmar seg haust, og som nemdt tidlegare held eg på med eit hekleteppe i haustlege fargar. Når eg sit med handarbeidet tenkjer eg på lyng, mose, nyper og hausta korn. Det er mest så eg kan kjenna luktene frå ein lauvskog i haustpryd....

Teppet er no ca 100x100cm, og planen er å gjera det ennå større.. Det luner godt over knærne når eg sit og heklar i litt kjøligare kveldar...

Siri

Ikkje som fyrst tenkt..

2011-08-16T17:29:00.004+02:00

..sjølv om eg er riktig så nøgd med resultatet her..

Garnet eg har brukt på denne 'Enkle Vest' frå Pickles, hadde eg tenkt å strikka volangskjerf av, som eg skulle ha på meg i bryllupet. Men då eg vart 40, fekk eg pengar i gåve, og brukte dei på eit nydeleg skjerf,med perler og hjarte i sylv.

Så håpet var å ha nok garn i Prinsessa's størrelse; 4 år.

Lys rosa, og knappane har eg klypt av ein kjole for lenge sidan.. Utruleg kva som kjem til nytte att... Dei er lys lilla, og eg synes dei passa fint til rosa.

Og garnet, det hadde eg nok av.. I utgangspunktet hadde eg 2 nøster Inca Alpakka og 2 nøster Alpaca Silk. Pinne nr 5,5 vart brukt, og ennå har eg over eit nøste av kvar att..
Prinsessa kjem neste tysdag, og eg gler meg til ho får sjå veste. Ho elskar at eg lagar noko til henne.

I dag har min kjære og eg prøvd gifteringar; tenk no er det ikkje lenge igjen...

Siri

Brudepikekjolen

2011-08-11T03:04:00.002+02:00

Endeleg er brudepikekjolen til prinsessa ferdig! Det tok si tid, for eg ville ikkje risikera feiltelling under flytteturane. Sidan vart den liggjande på vent...

Som du ser, så er den ikkje dampa ennå, men det vil eg ta når dagen nærmar seg litt meir.
Blomane vart ikkje heilt etter oppskrifta, då den ikkje var å finna i Familien's oppskrifter. Eg fann fram ei hekleoppskrift på roser, og sette igang. Rosene er nok dobbelt så store som dei 'originale' som skulle vore på, men eg tykkjer dei gjer meir utav seg desse..

Litt nærare...

Kjolen er strikka i Mitu, og det er garantert ikkje siste gongen eg kjem til å bruka dette garnet.

Innbydelsane er også endeleg skrevne, og ventar berre å koma til mottakerane. Dei vart heller ikkje som eg tenkte i utgangspunktet; heimelaga, nydelege kort...

Eg tok ein tur på bokhandelen og handla inn støvrosa ark og konvoluttar.

Lys og serviettar er kjøpt, og rosene er plukka ut og klare til å bestillast. For dei som har greie på rosenamn, har me valgt ut 'Memory Lane'. Det skal ikkje vera nokre dyre dekorasjonar - me går for enkle roser i forskjellige glas, rosa telys på skiferplater og steiner og skjell frå mange av mine strandturer...

Siri

Har du sett...?!

2011-08-09T08:26:00.004+02:00

Noreg har mykje å by på, det har eg aldri vore i tvil om.

Men då eg iløpet av sommaren hadde ein køyretur opp Hardanger og vidare, fekk eg meg ein gledeleg overraskelse når eg kom ut av ein tunnel og opp vegen langs Eidfjord.
Trea langs vegen var pynta i finaste handarbeid! Synd bileta vart litt mørke, for her er det snakk om friske, fine fargar. Nærbiletet viser litt detaljer også...

Her ser du trea på rekkje og rad; det eine finare enn det andre..

Må seie eg vart inspirert av dette, og planen framover er å strikke og hekle 'trekk' til lyktestolpane langs eigedomen min...

Må ta med biletet av Folgefonn òg - minstemann vart litt snurt i fjor då det var for dårleg vèr til å sjå Folgefonna. Denne sommaren fekk han ønskje oppfyldt. Onkelen hans hadde sagt at 'tenk om det finnes dinosaurar under fonna, det er jo ingen som veit'...

No nærmar det seg bryllup her i heimen, og eg bør nok gjer ein innsats snart..

Siri

Ny kakeoppskrift...?

2011-08-04T06:08:00.002+02:00

Nei, langt ifrå!

Eg skulle berre lage Farmor's Firkløverkake...
...men kaka vart ikkje heilt vellukka, kan du sjå.
Min kjære er god; han sa,'det finnes ikkje mislukka sjokoladekaker, det har berre blitt ei fudgekake..'
Og det var heilt sant - kaka vart knallgod, sjølv om ho ikkje akkurat var eit vakkert syn.
Borte vekk på null komma niks!

Siri

Det byrja i det små..

2011-08-02T18:10:00.002+02:00

...og planen var å bruke opp 3 nøster babyull. Men då eg hadde kome til endes på siste nøstet, var ikkje oldemorruta stor nok. Eg tok meg ein tur til Krims & Krans, og Ane fann fram nokre flotte fargar.

Resultatet vart eit babyteppe på ca 70x70 cm.

No har eg funne fram fleire nøster i haustfargar, diverse kvalitet, så er det berre kor stort eg kjem til å hekla det...

Siri

PIF - Pay It Forward

2011-07-30T09:26:00.002+02:00

Som nemd mange gonger tidlegare elskar eg gåver ~ å gje og å få gåver...

I vår var eg ein av dei heldige som fekk vera med på 'Pay it forward'-leiken hjå Rigmor, som har bloggen 'En Strikkers Hule'.

For nokre veker sidan mottok eg ein pakke i posten, og kan tru eg var spendt....!

Inni pakken låg ei fint innpakka gåve.

Rigmor har strikka votter til oss 3 heldige.. Nydelege votter som kjem til å følgja meg i tjukt og tynt gjennom dei kalde dagane som kjem...

No er det min tur til å senda stafettpinnen vidare, og eg håper det er nokon som vil vera med...

Reglane for 'Pay It Forward' er enkle;

Dei 3 fyrste som legg att i kommentarfeltet at dei ønskjer å vera med, vil innan 365 dagar få ei gåve frå meg. Så er det berre å følgja opp og gleda 3 nye heldige med gåver.

No ventar eg i spenning for å sjå kven som vil vera med på leiken..

Siri

Sommarferien er historie..

2011-07-15T19:03:00.002+02:00

Sommarferien min er over for denne gong. Den vart brukt til min kjære's flytting, bortsett ifrå ein heil kosedag i Dyreparken i Kristiansand og ein dag med bading, grilling og kos med borna. Eg har arbeida ei heil veke allereie. Mykje har hendt sidan sist blogging, men tida strakk ikkje heilt til. No ser eg fram til ein 'vanleg' kvardag att...

Eg meldte meg på Hobbyboden's 'hemmelege sommarven', og mottok i går ein spanande pakke. Det var ei glede berre å sjå på pakka ei stung også, for den nærast ropte sommarven til meg.
Innhaldet skuffa ikkje!
Flott garn, i rolege fargar som eg likar.
Kaffi som skal nytast, slik som sjokoladen vart ein nytelse...
Serviettar, telys, sommarfuglar og lypsyl.
Flotte knappar, og 3 engle-maskemarkører..
Pakken er sendt frå det høge nord, og på utsida var eit flott,sommarsleg kort, og oppskrift på korte vanter.

Elles har eg motteke ein PIF-gåve, som eg vil blogga om snart, og eg kan berre sei at eg vart gledeleg overraska der også.

Siri

Fram og tilbake...

2011-07-03T12:01:00.002+02:00

Det har den siste tida vore mange turer fram og tilbake til Bokn, men no er me endeleg ferdig med fartinga. Det gjenstår 'berre' ein del 'rot' som må plasserast her i huset no, så har min kjære kome i orden hjå oss. Med seg har han ein bonusgut på 14, og bonusprinsessa på godt 3 år håpar eg vil vere her så ofte som mogleg...

Det tek omlag 2 timar kvar veg herifrå og til bokn, så eg brukte tida mi i passasjersetet til noko fornuftig..

Eit gjestehandkle, pynta med hekla blomer. Garnet, mandarin classic, har eg hatt liggjande i 10 år, og eg trur det var meint til gryteklutar...

Bonusprinsessa sin kosekatt fekk eit lite hekla teppe; restar av Sandnes mini-palett fekk gjera nytta her...

Og til sist har eg trukke ut ein vinnar blandt mine følgere, som får denne Kokeshi-dokka i posten. Den heldige er; Brit, som har bloggen Brit's små puslerier.
Send meg namn og adresse på mail, og dokka finn snart vegen til di postkasse ;)

Siri

Hage treng stell..

2011-06-21T14:26:00.003+02:00

Midt i all flyttesjau finn min kjære tid til hagearbeid, og er det noko det er nok av på min eigendom, så er det arbeid utandørs...

I kjellaren har eg hatt denne hylla ståande sidan eg flytte inn i 2004. Eg er temmeleg sikker på at hylla er mest like gamal som huset mitt, som er bygd i 1952.. Hylla har no fått nytt 'liv' ute i hagen, og får gleda oss der til ho ikkje orkar meir..

Plattinga la eg ned for nokre år sidan; den er armert betong, tung som fy, skåret ut av eit eller anna bygg av lokalt betongsagingsfirma.. Garantert frostsikkert!

Klypp av Villkaprifolen var naudsynt, min kjære gravde fram mine steinskattar, og eg fann fram fuglekasse, takløk og anna som pyntar opp i hylla...

I hageskuret hadde eg ein gamal gullramme liggjande, og ei korg..
Den blå sola har eg fått av mi syster etter ho hadde vore i Tyrkia...
Ripsbusken skulle strengt tatt vore planta, men det kjem sidan.. Ein vase med pioner eg har fått av min kjære..
Eg trur me kjem til å ha glede av dette hagehjørnet gjennom heile sommaren.

Siri

Kjærleik og venskap til følgjernane

2011-06-16T12:47:00.002+02:00

Når eg nyleg hadde meg ein togtur til Stavanger, måtte eg innom 'Søstrene Grene'. Det er ein spanande butikk med alt du ikkje visste du treng...

Eg fall for denne japanske 'Kokeshi-dokka'. På lappen står det at 'å gje ei Kokeshi-dokke som gåve har ein særleg symbolsk verdi i Japan.' Dokka representerer kjærleik og venskap.

Sidan eg er glad i alle følgjerane mine, og ser på dei som mine blogg-vener, tenkte eg at eg vil trekkja ut ein vinnar blandt følgjerane mine, av denne dokka iløpet av juni månad. Aller helst skulle de fått ei dokke kvar, men alt til si tid...

Siri

Bursdagsgåver og flyttekaos

2011-06-15T07:27:00.004+02:00

På laurdag vart eg 40 år. Ikkje at eg har feira ennå, men eg har fått nokre gåver...

Dette måleriet fekk eg av min kjære. Det er måla av Liv Astrid Bauge - eller Snuskebassa. Ho målar utruleg mange festlege bilete som ein berre må trekkja på smilebåndet av. Etterkvart er planen å henga biletet i entrèen, slik at alle kan få noko å smila av så snart dei kjem inn døra..
Den mest overraskande gåva fekk eg frå Tante Astrid, ein nabo på godt og vel 90.. Ho plinga så forsiktig på døra på fredagen, og mest kviskra eit lite, syngande 'Hallooo'...
Ho ville gje meg ei gåve til 40-årsdagen... Eit nydeleg hekla teppe i brunt og gamalrosa..

Elles har eg fått gåve frå gode arbeidskollegaer, kjekke vener og damene i favorittbutikken min; Krims&Krans.

Sjølve feiringa får vente til me er ferdige med flyttekaos. Då inviterer eg til kaffi og kaker...

Så over til grunnen til mi fråværande blogging...
Flyttekaos!!
Min kjære flyttar inn til meg, og sjølv om det er noko eg har sett fram til, så krev det litt tid å få oversikt over esker, boksar og instrument....

Dette er berre nokre få instrument som skal få plass...

Og bøker - eg gler meg til å få sitja og lesa i alle bøkene, aller mest til alle eventyrbøkene... Eg har elska eventyr sidan eg var liten, og trudde eg hadde lest dei aller fleste. Men i denne kassen ligg eit 10-tals tjukke eventyrbøker som skal trålast av meg på mørke haustkvelder.

Siri

Ønskjer sommaren velkomen!

2011-06-05T21:57:00.002+02:00

Her er eit bilete eg tok tidleg i juli i 2010. Det var tåke, men allikevel fint vèr. Minstemann og eg reiste med ferja frå Bokn til Rennesøy for fyrste gong.
Lite visste eg at iløpet av det neste året skulle eg pendla fram og tilbake til Bokn fleire gonger i månaden...
Dagen etter dette biletet vart teke, 'traff' eg min kjære, som enn så lenge bur på Bokn.
No nærmar det seg slutten på pendling for oss. Min kjære flyttar inn til meg om berre eit par veker.
Sommaren byr på mange gleder - eg fyller 40 den 11.juni, min kjære flyttar inn til meg like etterpå, me har eit bryllup å planleggja, og endeleg skal me få vera saman kvar dag....

Må sommaren bringa med seg lykke og glede for deg òg!!

Siri

Tante Astrid's Havrekjeks

2011-05-29T20:50:00.003+02:00

Då mor hadde bursdag var eg slettes ikkje sikker på kva eg skulle gje henne; ho har det meste ho treng...

Men etter å ha tenkt meg om nokre gonger, kom eg på at ho likar desse kjeksane godt.
Så eg heiv meg rundt og laga deig;

1/2 kg havregryn
1/2 kg kveitemjøl eller
250 g havremjøl og 250 g kveitemjøl
1/4 kg margarin
1/4 kg sukker
3 ss hjortetakksalt
1/4 l mjølk

Sidan dette er ei oppskrift frå ei gamal tante av mor mi, har eg ikkje forklaring, grader eller tid dei skal steikast. Så eg gjorde berre slik eg trudde det skulle gjerast... Rør saman alt, smelt margarin, kjevla tynt ut og stikk ut kjeks... Eg brukte eit mjølkeglas... Steikte dei på ca 180 grader til dei såg passe steikt ut..

Innpakkinga vart noko resirkulert;

Ein tom pringlesboks var 'tapetsert' med dekorpapir.

Gåva vart vel motteken.

Siri

Kryss i kalenderen

2011-05-26T09:53:00.003+02:00

Forkjølelsen vil ikkje heilt gje slepp, så i dag skal eg avgårde til legen og få litt medisin.

Men sjølv om blogginga ikkje har vore den heilt store i det siste, så er bryllupsplanane godt i gang.

10. september gjer min kjære og eg kvarandre våres ~JA~

Her - på Kvassheim fyr - skal me feire saman med mennesker me set stor pris på. Og vèret kan berre gå berserk på dagen, for utsikta vil berre verta betre dess verre vèret blir....

Siri

Verdas lykkeligste!

2011-05-17T10:26:00.003+02:00

Dette er vel ikkje heilt dagen å vera sjuk på, men no vart det no eingong sånn for meg. Så det vil bli ein roleg dag heime...
Men det gjer meg òg god tid til å setja meg ned med ein kopp kaffi, og tenkja tilbake på helgas utrulegheiter.

Fredagen byrja tidleg; opp klokka 5 for å gjera seg klar for jobb.
Vel heime att, etter ein liten kvil på sofaen, kom min kjæraste kjære inn døra med ein nydeleg bukett med raude roser... Fantastisk!

Planen for helga var konfirmasjon til tantejenta mi på laurdagen, noko me gleda oss til.
Men om morgonen hadde eg verkeleg mykje på hjarta, som eg gjorde mitt ytterste for å fortelja min kjære. Det var viktig for meg å gje uttrykk for kor mykje han betyr for meg... Vel, det heile endte med desse orda frå meg; 'Du? Vil du gifta deg med meg?'..... stillhet.....
Eg overraska meg sjølv like mykje som eg overraska min kjære... 'Ja!', svara han tilslutt. 'JA!'
Me ville ikkje seie noko til nokon den dagen, for det var jo konfirmanten sin dag. Så min kjære ba meg med på tur, og overnatting, på Byrkjedalstunet, for at me skulle kunne snakka og planleggja.

Me er enige om eit enkelt bryllup, feira saman med mennesker som betyr noko spesielt for oss.

Eg ønskjer å gjera dagen god for alle barna våres òg; me har 6 gutar og ei prinsesse til saman..

Min kjære har lyst prinsessa skal ha ein kjole som denne, mønster i Familien nr 10, i rosa Mitu-garn...

Eg er enig, for ei supersøt prinsesse må vel ha ein supersøt rosa kjole?! :)

Krims&Krans er ein god stad å handla, både garn og anna flott. No har eg sikra meg garn til kjolen, gode strikkepinnar, og på handleposen hang ein lapp med orda; 'Saman er ein god stad å vere!' Noko som er ein absolutt sannhet..

Eg gler meg til vidare planlegging, trur nok eg legg feiring av 40-årsdag på hylla, og konsentrerer meg om den viktigaste feiringa no; min kjære vil leva livet saman med meg!

Gratulera med dagen, alle saman!

Siri

Til Elise

2011-05-09T15:47:00.004+02:00

BabyBorn har fått namn ~ Elise ~ ...
Eg har kosa meg med hekling til dokka; gul sommarkjole og gule sko. Hekla etter mønster i heftet 0702 dukke frå SandnesGarn, i Mandarin petit og heklenål 2,5..
Av same garn har eg no lagt opp til truse på pinnar nr 3.
Dette er handarbeid eg kan like.. :)

Siri

Ei fin tid

2011-05-04T07:26:00.003+02:00

Når eg ser rebusar og gåter, klarer eg ikkje la vere å bry hovudet med dei. Før påsken hadde Mayen ein konkurranse med 4 oppgåver, og eg vart den lukkelege vinnar!
Pakke i posten er alltid moro, og her var påskeegg, duftpose og 'Love Hearts'. Minstemann vart kjempeglad for hjartene, eg samlar påskeegg og er glad i små duftposar. Altså, ein pakke midt i blinken - tusen hjarteleg takk!!

Nokre gonger er det verdt å gjera ein dykk ned i garnlageret, og etter å ha strikka nøstebarnsjal av restegarn, vart eg freista å strikka eit i 'full størrelse'. Eit nøste med Sandnes mini palett, pinnar nr 5, og 'vips' så har me eit sjal iløpet av ei helg...

Sokkar størrelse 41, i Sildre frå Gjestal garn. Pinnar nr 3,5...

Eit ynskje frå ein bonusgut om varme på føtene, det kan eg ikkje motstå...

Nok eit par, i størrelse 38/39, av Robust frå Sandnes garn, pinnar nr 3,5... Rett ned i gåvekassen...

Og som eg sa tidlegere; eg har endeleg ei unnskylding for å kjøpe noko eg har hatt lyst på lenge...

BabyBorn-dokke, til bonusprinsessa og meg sjølv. Prinsessa elskar å gje dokka mat, og skifta bleie. Eg har endeleg ei BabyBorn-dokke eg kan strikke og hekle klede til!

Prinsessa har funne gult garn, og kjoleønskje, og eg heklar gult sommarsett til dokka. No kosar eg meg, må eg innrømme! :o)

Måtte mai verta fin for alle!

Siri

Huskelapp

2011-04-29T11:12:00.002+02:00

På lånt pc har eg ikkje bileta av det eg ønskjer blogga om, så eg skriv heller ein huskelapp til meg sjølv :)

*sokkar i fleng
*nøstebarnsjal
*lukkeleg vinnar av påskenøttene hjå Mayen
*endeleg ei unnskyldning for å handla noko eg har hatt lyst på i evigheter

Elles nyt eg årstida, same korleis vèret er - det er lysare kveldar som gjeld!
Måtte helga innehalda noko fint for både deg og meg ;)

Siri

Enkel strikking....

2011-04-25T19:04:00.002+02:00

...er ikkje alltid like enkel...

Eg er veldig glad i boka 'Strikk til nøstebarn' av Kathrine Gregersen. Enkel strikk med forståelege oppskrifter. Men det er mogleg å gjera feil på dei enklaste oppskrifter òg. Her har eg strikka hals av Sandnes mini alpakka, og eg kan understreka at oppskrifta ER enkel, men eg klarte likevel å gjer ein feil... Det skulle vore fleire maskar framme, og ikkje som her, bak. Allikevel er eg sikker på at halsen kjem til å gjera nytta uansett..

Av Sandnes mini alpakka restegarn har eg strikka eit lite sjal frå same boka. Eg er sikker på at det kjem til å varma skuldrene til ei prinsesse, for det er i minste laget for vaksne skuldre. Det kan til nøds brukast som skjerf..

Eg har òg gjort ei trekning blandt mine følgere, og vinnaren av mine hekla gryteklutar er; Anja med bloggen Mosskov Design. Send meg mail med namn og adresse, og gryteklutane er snart på veg til di postkasse :)

Siri

Kjære følger...

2011-04-18T15:35:00.003+02:00

For nokre innlegg sidan nemde eg at eg dann og vann ville trekkja ut ein 'vinnar' blandt mine følgere. No er vèret fantastisk, me er inne påskeveka og eg har gode dagar. Og eg har allereie hekla meg eit par av desse gryteklutane, så eg tenkte at eg kunne gje vekk dette paret til ein av mine hærlege følgere. Innan mitt neste innlegg skal eg trekkja ut ein vinnar :)

Og, ja, som eg har fått spørsmål om før; eg samlar på hekla gryteklutar...

For ei lita tid sidan var eg ein av vinnarane hjå 'Atelier Kari' sin give away. I dag kunne eg henta ein spanande pakke på posten, og som du ser inneheldt den ein nydeleg hjartekrans laga av Finnskoglav... Eg har hengt hjarta i vindauget ut mot vegen, så alle som går forbi kan sjå kor flott det er.. Tusen hjarteleg takk, Kari!! Måtte påskeveka vera god for både deg og meg! Siri

Påskepakke

2011-04-12T07:24:00.003+02:00

Nok ei gong har eg meldt meg på 'hemmeleg ven' i Hobbyboden. Det er ikkje lett å motstå moglegheten til å få pakke i posten...

Pakken i april innehaldt 3 nøster Drops Merino extra fine i ein fin mørkebrun farge, 4 treknappar med hjarter på, ein rull med kremfarga silkeband og ein yndig liten pose med to nydelege heimelaga øyredobbar i..

På det knallgule påskekortet står det;

"Kjære Resirikulert Siri

Her kommer april-pakken fra din hemmelige venn. Jeg snoket litt på ønskelisten din og så at garn i jordfarger stod oppført. Da måtte jeg bare gå for et mykt og deilig garn i en av mine favorittfarger, brun. Kanskje garnet kan bli en myk hals som kan pyntes med innholdet i papirposen.

Som et hint til deg om hvem jeg er har jeg laget noe til deg som du finner i tøyposen.

Håper gaven faller i smak.

Ønsker deg ei riktig fin og god påske.

Klem fra din hemmelige venn."

Eg trur nok garnet kjem til å verta eit flott påskehandarbeid!

Tusen hjarteleg takk for ein flott pakke!!

Siri

2011-04-10T17:20:00.001+02:00

Lykken vokser på vår

egen åker og kan ikke plukkes

i fremmede hager.

Ny bruk av 'gamle' perler

2011-04-04T16:37:00.003+02:00

Dei fleste som har ungar, og antagelegvis mange andre òg, har kjennskap til Hama-perler...

Her er 'ny' og artig bruk av perlene;

*smør litt matolje i ei ildfast form og legg oppi perler langs bunn og kantar.

*la det steike i ovnen på 200 grader i cirka 10 minutt. Følg med mot slutten.

Bruk som skål, eller som her, til telys.

Siri

Til samlinga mi

2011-03-29T11:31:00.002+02:00

Då eg tidleg i år kjøpte Familien vart eg gledeleg overraska då eg såg oppskrifta på desse hekla gryteklutane. Slike som farmor hadde hengjande til pynt på kjøkenet sitt, og perfekte til mi veksande samling med hekla gryteklutar... Det kjem nok til å verta fleire par av desse, og dei er jo supre vertinnegåver! Siri

Småstrikk

2011-03-22T18:35:00.004+01:00

Eit par sokkar strikka av Mini alpakka frå Sandnes garn. Strikka på pinne nr 3 og på lukke og fromme. Passar ei mini-prinsesse opp til omtrent eit år.
Enkel vest, frå Pickles.
Strikka av dobbel Mini alpakka frå Sandnes garn på pinne nr 5. Superenkel og kjempesøt! Pynta med to knappar frå Gjenbruken.. Det gjekk med eit nøste av kvar farge. Størrelse 1 år.

Siri

Har overskot av stoff

2011-03-20T19:57:00.002+01:00

Eg er for tida i eit ryddemodus, og denne gongen har eg kome fram til kassar, korger og kister med stoff... Sidan eg ikkje med det aller fyrste kjem til å ha tid til å bruka alt, har eg samla saman eit utval av både nye og retro stoff i to posar. Her er både store og små bitar samla, og kanhende det er av interresse og du har lyst å gjer eit bytte med meg?

Pose nummer 1.

Pose nummer 2.

Siri

Pakke frå hemmeleg ven

2011-03-19T06:13:00.002+01:00

I dag vakna eg grytidleg, og det er heilt stille i huset no. Det har såvidt byrja lysna, og saman eg kan høyra fuglekvitter ikkje langt frå huset som vitjar om at det er vår! På tross av at me vakna til snøvèr i går, så er eg ganske sikkar på at det berre var siste krampetrekningar av vintaren... Vipa, Tjelden og Lerka er komen, fuglane syng og me kan kjenna gje varme frå seg når ho skin om dagane...

I går fekk eg pakke i posten frå min hemmelege ven på Hobbyboden i mars. Ein verkeleg flott pakke! 4 nøster Duett frå Sandnes garn, varm sjokolade, lakris-te og ein nydeleg stoffbit. Garnet må eg tenkja litt på kva eg skal lage, og er det nokon som har forslag så er eg glad for det. Eg har ikkje strikka i Duett før, men det kjendes ut som eit godt garn å strikka med.

Stoffbiten visste eg umiddelbart kva eg ville bruke til; eg har planar om å sy ei veske til prinsessa, og dette var perfekt til prosjektet..

Tusen takk, hemmelege ven...Eg må nok sjekka opp hintet eg fekk med i pakken ;)

Ynskjer deg ein herleg vår!

Siri

Til liten og stor

2011-03-15T16:53:00.002+01:00

No trur eg jammen eg har klart det; å strikka sokkar i litt større størrelse...

Desse er strikka av noko av garnet eg fekk av min hemmelege ven i Hobbyboden i februar. Garnet er Viking garn, størrelsen er 38, og eg brukte pinnar nr 3,5.
Desse sokkane er for føter som nyleg har lært å gå, ca 20-21. Eg har brukt av restegarnet mitt, det turkise er Sisu, og det mørke er tynt strømpegarn frå Sandnes garn, og på pinnar nr 4 gjekk det fort unna...

Siri

Magebelter

2011-03-13T16:20:00.002+01:00

Nok ei gong går det hardt ut over restegarnslageret mitt - ikkje at det er feil altså..
Eg byrja så fint med ein plan om å lage eit penalihus til minsteguten, men enda opp med magebelter til nokre glaskrukker. Her eit Noregsglas...

Og eit som passar til eit tomt tomatpurèglas...

Det vil nok verta nokre til av desse i diverse fargar, så har eg til alle anledningar..

Siri

Mange trådar små...

2011-03-09T23:53:00.002+01:00

Når ein held på med handarbeid er det vel ikkje til å leggja under ein stol at det med tida vil verta ein fin liten haug med restegarn....

Eg klarer ikkje heilt å berre kasta det, så då er det berre fantasien som kan setja grenser for kva restegarnet skal brukast til.
Boka 'Brukt på nytt' er uunværleg her, tykkjer eg. Sjølv om eg ikkje akkurat i nuet treng lappar og pynt, så kan det vera greit å ha det liggjande klar då dagen kjem at eg skal lappa klede, eller pynta noko eg har laga.

Litt til gutar og litt til jenter....

Til sist vil eg nemna at eg har tenkt å halda ei aldri så lita loddtrekning blandt mine trufaste fyljare no og då. Det er utruleg koseleg å få så fine kommentarer og tilbakemeldingar på innlegga mine.

Siri

Noko attåt

2011-03-03T18:50:00.003+01:00

Blogglandia er stort, og det er mykje inspirasjon å hente. Eg har funne meg eit lite knippe matblogger eg både titt og ofte er innom.

Trines Matblogg kunne i juletider freista med Appelsinbiscotti. Ikkje at eg baka desse til jul då...

Vel, eg fulgte oppskrifta frå bloggen, men sløyfa den kvite sjokoladen då eg ikkje hadde det i hus..

Og som Trine skriv - oppbevar i tett boks, så lengje det varer... Nydeleg til både kaffi og te!

Siri

For kjølige dagar

2011-03-01T18:03:00.003+01:00

Min kjære fekk tidlegare i vinter ei Space Invader hue av meg, men fekk ikkje ha ho i fred. Den falt godt i smak hjå ungdommen i huset..

Så for å varma kjære's øyrer på kalde dagar, var det berre å finna pinnar og garn. Oppskrifta fann eg i eit Familien for nokre veker sidan, garnet er Alfa og pinnar nr 7..
Ei enkel hue treng litt pynt, så eg kjøpte 'Snella & Petronella-knappar' på Krims&Krans. Min kjære vart glad, og det gleder meg å vera til hjelp...

Siri

Og vinnarane er....

2011-02-28T14:39:00.004+01:00

Då er trekninga over. Eg fekk hjelp av 'Random'.
Vinnarane er;

1.premie - 3 kjøkkenklutar.....Solveig med bloggen Made by Solis

2.premie - 1 hekla nålepute....Retrobaby med bloggen Retrobaby

3.premie - 1 kjøkkenklut av restegarn...Smykkas med bloggen Smykkas

Gratulera til dykk alle!
Send meg namn og adresse pr. mail, så får de snart pakke med posten.

Siri

Siste sjanse og hemmeleg ven

2011-02-27T19:08:00.004+01:00

I morgon trekkjer eg 'gje-vekk'en' min, og minnar difor om at no er siste sjanse å melda seg på. 1.premie er 3 klutar
2.premie er nålepute
3.premie er klut av restegarn

Det er plass til fleire, så det er berre å melda seg på her om du ikkje allereie er påmeldt.

Denne månaden har eg vore med på 'hemmeleg ven' på Hobbyboden. Eg mottok ein flott pakke med 2 nøster Robust, 2 nøster Viking Sportsragg, mykje god te og ein porsjon varm sjokolade.. Kven den hemmelege venen min er, veit eg ikkje enno. Men tusen hjarteleg takk for ein flott pakke!!

Siri

Farmor's Firkløverkake

2011-02-23T10:15:00.003+01:00

Min kjære elskar sjokolade og alt som inneheld sjokolade. Så når eg hadde ein kikk i farmors handskrevne kokebok, fallt eg for freistinga til å bake Firkløverkake til min kjære.

Som du ser på biletet var det nok av krem, så eg kunne nok med fordel ha delt kakebotnen i 3 istaden for i 2. Men me lærer så lenge me lever..

Her kjem oppskrifta om du skulle verta freista;

150 gr margarin røres kvitt med 300 gr sukker. Tilset 2 piska egg. 1/2 plate kokesjokolade oppløyst i 1/4 l mjølk, og 300 gr kveitemjøl med 3 ts bakepulver. Dette tilsettes vekselvis. Kaken steikes i rund form, i middels varm ovn i ca 45 minut.

Krem;

2 koppar melis, 1/2 kopp fløte, ca 100-150 gr firkløversjokolade, 1/2 kopp meierismør. Alt varmast opp til kokepunktet under omrøring.

Eg brukte mørk kokesjokolade til botn, og vanleg margarin i kremen då eg ikkje hadde meierismør i huset.. Middels varm ovn tolka eg til rundt 150-160 grader, og eg vart godt nøgd med resultatet..

Og kaka - den forsvann i store stykkjer...

Siri

Eit par, to par....mange par

2011-02-21T07:54:00.003+01:00

Når eg skal strikka sokkar, har eg ikkje noko spesiell oppskrift å strikka etter. Ein gamal nabo av meg lærde meg å strikka sokkar, og ho sa kor mange masker eg skulle leggja opp til barn, dame og herre. Ein tomelfingerregel eg har fulgt sidan; ca 36-40 masker til barn, 48 masker til dame og 56 til herre.. og pinnar 3,5.

Så langt, så bra.

Men eg er ikkje flink til å strikka litt større damesokkar - dei vert som regel 36/37, som dei rosa her. Skulle nok hatt nokre cm-mål å strikka etter her...

Vel - dei rosa sokkane her er str 36/37, strikka i Robust på pinne 3,5. Det gjekk med temmeleg akkurat eit nøste til kvar sokk.

Dei blå ankelsokkane er ca str 26/27, strikka av ein rest Viking Sportsragg på pinne 3,5.

Begge par sokkar er lagt trygt ned i gåveskuffa.

Siri

System i rotet

2011-02-20T08:11:00.003+01:00

Her er eit lite glimt frå sybordet eg har ståande mellom to stolar i fjernsynshjørna. Ved sida av den eine stolen står to papirposar med garn i ulike fargar og kvalitetar, fylde opp til topps. På puffen framforstolen ligg nokre hobbybøker og handarbeidsmagasiner. Ei korg heng på veggen, den har eg hengt der for å kunne ha det litt ryddig i handarbeidet mitt....
Alt anna handarbeid eg har 'gøymd' rundt i huset er ei anna historie..

I dag skal me i dåp. Eg skal vera fadder for ein skjøn liten gut, knapt ein månad gamal. Det er dåpsselskap etterpå, med koldtbord og altfor mange gode kaker. Nokre og tjue gjestar, små og store...
Dagen i dag vil verta god!

Siri

Småfolk, restegarn og resirkulering

2011-02-19T12:51:00.002+01:00

For tida er eg inspirert av dei nydelege småtrolla til mine veninner. Eg har funne fram boka 'Brukt på nytt' , av Kathrine Gregersen, heklenål, restegarn, kinderegg og glasperler. Planen er å lage ein uro som skal pynta opp på barnerommet til veslejenta.

Eit lite knippe småtroll er hekla, morosamt handarbeid, fylde opp med kinderegg i kroppen og restegarn i hovudet. Inni kinderegget har eg lagt nokre glasperler, etter forslag frå Ellen Sand, så trolla kan fint brukast til rangle òg.
No har eg gitt min kjære i oppdrag å finna passande pinnar til å hengja desse småtrolla på; det vert enten einerpinnar eller kirsebærtrepinnar...
Så gjenstår det berre å sjå om mor, far og småjenta likar uro.

Siri

Endeleg...!

2011-02-16T11:05:00.002+01:00

Ein UFO har landa!

Desse gryteklutane byrja eg på i somar, medan me var på ferie. Eg har strikka fleire par før, og på ein grei dag strikkar eg ferdig ein. Men det er rart med det; plutseleg vert eg litt lei prosjektet eg held på med... Om det er farge eller oppskrift som gjer det er ikkje godt å seie.

Iallefall, fargane på desse har eg teke ut med tanke på jul - beige, mørk brun og raud.

Oppskrifta er frå eit pt-hefte, og garnet er Petunia; det beste bomullsgarnet eg har strikka med til no. Dei er tjukke og gode, og har ein dekorativ hekla kant rundt..

Eg minnar om min 'Gje Vekk' som trekkes den 28. februar.

Den inneheld 3 gåver;

1. ~ 3 kjøkkenklutar

2. ~ ei hekla nålepute

3. ~ein kjøkkenklut av restegarn

Du er hjarteleg velkomen til å melda deg på på denne linken HER.

Siri

Himmelsk Lapskaus og blomar

2011-02-14T07:07:00.003+01:00

På Valentinsdagen er det nok mange hjarter som skal gledast. Her er ein dessert som sikkert vil gleda eitkvart hjarte.. Himmelsk Lapskaus!
Eg brukar ein boks hermetiske fersken, skjærer frukten i mindre bitar og heller frukt og lake i ei skål. Så er det berre å fylla på med fruktbitar og bær; eg likar banan, kiwi, hermetiske pærer og frosne bær.
Servèr hærligheten med vaniljesaus eller is, og nyyyt!

Å gje eller motta roser - me gjer det så altfor sjeldan..

Vårblomane av alle blomar for meg. Eg kunne fyllt opp heile huset med desse!

Til sist kan eg ta med sokkane eg gjorde ferdig før helga. Fargane er flotte kvar for seg, men eg er ikkje så sikkar på samansetningen... Men dei varmar iallefall. Strikka i dobbel Sisu på pinnar nr 4,5.. Str 36/37... Og jammen klarte eg å slanka garnlageret ein liten smule...

Siri

Fikleball

2011-02-08T04:38:00.002+01:00

Nyleg fekk to av veninnene mine babyer, ein gut og ei jente. Og sjølv om eg er aldri så ferdig med babytankar sjølv, så er det koseleg å ha ein konkret grunn til å laga noko til småfolk.
I Blogglandia har eg sett fleire stader at det vert laga koseklutar og fiklefiller. Dette har fått igang ein aldri så liten prosess oppi toppen, og resultatet vart ein fikleball.

Den er sydd saman for hand av 12 femkantar, i sterke fargar. Lappane er laga av gamle klede, gardiner og små restelappar eg hadde liggjande. Innimellom har eg sydd fast merkelappar frå klede, silkeband og kroklissar.

Tanken var eigentleg å leggja eit kinderegg fyllt med ris oppi, men det slo eg frå meg. Eg såg føre meg korleis det kunne gå etter fyrste vask....

Mykje arbeid for ein liten ball, men eg håper dei små hendene kjem til å setja pris på filkeballen.

Siri

Farmor's oppskrift på nytt

2011-02-07T07:05:00.002+01:00

Nok ei gong har eg funne fram oppskriftene til farmor, men denne gongen tilpassa eg oppskrifta litt til ny bruk.

Når eg fyrst er så nøgd med resultatet kvar gong eg har bakt rundstykker, tenkte eg at oppskrifta måtte vera godt egna til pizzaboller også.

Eg erstatta mjølk med vatn, og kutta ut ein pakke gjær. Eg brukar alltid fersk gjær i denne oppskrifta, for eg tykkjer resultatet vert aller best då..

Fyllet på desse pizzabollene er gjort 'barnevenlege'; eg har berre brukt kjøtdeig, krydder, tomatpurè og litt vatn. Sjølv kunne eg godt tenkt meg løk og mais oppi i tillegg..

Eg har òg ein plan om å baka desse snurrane og fylla dei med soltørka tomater, ost, oregano og kanhende skinke eller smårettbacon.

Kjekk bakst å ha i fryseren; enkel niste når me vil ut på tur..

Siri

Fana-bytte?

2011-01-31T19:19:00.003+01:00

Som nemd i tidlegare innlegg har eg to Fana-gensere til overs. Dei er strikka i ullgarn, ein i blått og ein i svart. Eg tykkjer det er mest for gale å ha slike flotte gensere liggjande dersom det er nokon som kunne få bruk for dei....
Her er eit nærare bilete av dei...

Kunne du tenkje deg eit aldri så lite bytte, er det berre å gje eit vink.

Siri

*Størrelser på gensrane:

- Blå

lengde 49 cm

vidde 54 cm

ermelengde 41 cm

-Svart

lengde 50 cm

vidde 50 cm

ermelengde 40 cm

Eg undrast...

2011-01-31T16:50:00.003+01:00

Nyleg hadde eg eit kjekt bytte med Mayen, ho fekk broderipakken eg ville bytte vekk, og eg sa ja takk til ei overrasking. Plutseleg, då eg skulle ta bilete av innhaldet, har noko forsvunne, og eg kan ikkje anna enn å undrast på kor det har teke vegen....

Vel, for å vere ærleg; nokre knallgode drops veit eg kor tok vegen..

Men eg saknar ei pakke med farga telys..

Iallefall, eg er utruleg nøgd med byttet, og broderia har nok kome i rette hender no. Dei flotte stoffbitane skal eg nok finna rette prosjektet til, og heimelaga vaniljesukker er perfekt til ein som elskar å bake!

'Velkommen'-skiltet passar perfekt i min heim.

Eg har allereie tenk tanken på å invitera til nytt bytte. Det er rart kva som kan skjula seg i heimen....

Eg har to 'Fana'-gensere, ein kvit/blå og ein kvit/svart, størrelser i ca 7 og 9 år trur eg.. Bilete vil koma seinare...

Siri

Sokkar og meir til 'gje-vekk'en' min

2011-01-24T16:57:00.007+01:00

Sidan sist har eg strikka to par sokkar. Det minste paret er ca str 25, og er strikka av eit nøste frå 'lageret' mitt. Trur det kan vere 'Viking-garn'...

Det andre paret er str 36 og strikka av to nøster 'Robust' frå Sandnes garn.

Det lyseblå paret skal den lille prinsessa få, for ho hadde eit ynskje om blå sokkar, og kven kan motstå ei prinsesses ynskje..??

Så til 'Gje-vekk'en' min. Eg vil trekkja ytterlegare to vinnare.

Ein vil få ei nålepute, hekla av 'Bomull Sport' frå Gjesdal spinneri, pynta med ein knapp frå mine borns oldemor si knappekrukke.

Den 3.vinnaren vil få ein klut, strikka av diverse reste-bomullsgarn.

For å melda seg på 'Gje-vekk'en' min, er det berre å leggja igjen ein kommentar her..

Siri

Gje vekk

2011-01-17T19:00:00.003+01:00

For å feire kvardagen, lysere tider eller kva det no måtte vera, så vil eg ha ein aldri så liten 'gje vekk'.

Eg tenkjer at heimelaga klutar kan passa, for lysere tider krev kanskje litt støvtørk og slikt etterkvart... 3 klutar til vinnaren, og kanhende det vert ein trøystepremie også, kven veit..?

Me gjer det slik;

1 lodd for kommentar

og 1 lodd ekstra om du lenkjer til denne 'gje vekk'en'.

Kvelden for trekking av vinnar er måndag 28. februar.

Skriv kor mange lodd du tek.

Lukka til!

Siri

Vil du byte?

2011-01-15T08:20:00.002+01:00

Eg er inne i eit slags ryddemodus for tida. I skuffer og skåp har eg mykje som berre vert liggjande, noko som er synd. Det er tross alt flotte hobbysaker. No har eg funne 5 broderi; 2 påskeløpere, 1 julebilete, 1 barnebilete og 1 bilete med fuglar på.

Er det nokon brodèr-glade sjeler her i Blogglandia som har lyst å byte? Kva eg ynskjer å byte i? Tja, eg er ikkje så kravstor, trur eg. Kanskje noko enkelt heimelaga? Det er berre å koma med forslag. Me dekker kvar vår porto for eit eventuelt byte.

Siri